Sendian programako ikastaroetarako izen ematea irekita dago 17 Urria 2017

Sendian programaren barruan antolatu diren ikastaroetarako izena emateko epea irekita dago. Mendekotasun egoeran dauden pertsonen artean egoera zailei aurre egiteko estrategiak bereganatzea izango da ikastaroen helburua.

Hiribarren kaleko komun publikoak irekita daude 11 Urria 2017

Hiribarren kaleko komun publikoen instalazioa amaituta dago, eta irekita daude jada. Lazkao eta Beasain arteko bidean oinez ibiltzen direnei zerbitzua emateko jarri dira komunak, hainbat herritarrek egindako eskariari erantzunez.

Juan Aroca bakarrizketalaria ostiralean Arerian 11 Urria 2017

Juan Aroca bakarrizketalariak saioa egingo du ostiralean Arerian. Alex Rabanal bakarrizketalari lazkaotarrak egingo ditu aurkezpen lanak, eta saioa 22:00etan hasiko da. Emanaldirako sarrerak udaletxean daude salgai, eta ostiralean bertan Arerian ere eskuratu ahalko dira. Sarrerak 5 euroan daude salgai.

Merkataritza eta ostalaritza kanpainako hirugarren zozketako saridunak 11 Urria 2017

Lazkaoko Udalak eta LazkaOn elkarteak antolatutako "Udazkenean aisiaz gozatu Lazkaon" kanpainaren barruan hirugarren zozketa egin da. Kiroldegirako urte beterako hiru bazkidetza zozkatu dira, eta honakoak dira saridunak:

  • Arantxa Olano
  • Monica Terra da Silva
  • Maitane Fernandez
Lazkaomendirako oinezkoen pasoa irekita dago 11 Urria 2017

Iturgaitzagatik herri erdigunera joango den errepide berria egiteko lanek aurrera jarraitzen dute. Oraindik ere hilabete batzuk beharko dira lanak amaitu arte, baina hainbat gune erabilgarri daude dagoeneko. Horietako bat da Lazkaomendira joateko oinezkoen pasoa. Pasabidea amaituta dago, eta inguruan hainbat urbanizazio lan egitea falta bada ere, pasabidea erabiltzeko moduan dago.

Udal eraikinetako ordutegia zubian 11 Urria 2017

Bihartik igandera bitartean, zubia dela-eta, honako ordutegia izango dute udal zerbitzuek:

UDALETXEA:

  • Osteguna, urriak 12: Itxita
  • Ostirala, urriak 13: 08:00etatik 12:00etara

LIBURUTEGIA: Itxita

KIROLDEGIA:

  • Osteguna, urriak 12: 09:00-13:30
  • Ostirala, urriak 13: 07:00-21:00
  • Larunbata, urriak 14: 09:00-13:30/16:00-20:00
  • Igandea, urriak 15: 09:00-13:00
Zaborraren eta mahaien eta aulkien gaineko zerga 10 Urria 2017

2017ko urtealdiari dagokion Zerga eta Prezio Publikoen Egutegi Fiskalean zehazten denez, zaborraren eta mahaien eta aulkien gaineko zergan 2. seihilekoari dagokion ordainketa egiteko epea urriaren 10etik azaroaren 25era izango da. Helbideratutako erreziboak azaroaren 6an kobratuko dira.  

Mugikortasun Asteko irudien sari banaketa egin dute 06 Urria 2017

Mugikortasun Astearen barruan San Benito Ikastolako ikasleek bide segurtasunari buruz egindako irudiak saritu dituzte. Maila bakoitzeko talde baten lana nabarmendu dute, eta txirrinduan jartzeko linterna bat jaso dute opari. Mugikortasun Astean parte hartu duten ikasle guztiek diploma bat jaso dute, mugikortasuna bultzatzeko egin duten saiakeragatik. 

Ura eta estolderiaren gaineko zerga 05 Urria 2017

2017ko urtealdiari dagokion Zerga eta Prezio Publikoen Egutegi Fiskalean zehazten denez, ura eta estolderiaren gaineko zergan 3. lauhilekoari dagokion ordainketa egiteko epea azaroaren 10ean amaituko da. Helbideratuta dauden erreziboak urriaren 16an kobratuko dira.

Merkataritza eta ostalaritza kanpainako bigarren zozketako saridunak 05 Urria 2017

Lazkaoko Udalak eta LazkaOn elkarteak antolatutako "Udazkenean aisiaz gozatu Lazkaon" kanpainaren barruan bigarren zozketa egin da. Hiru ebokk zozkatu dira, eta honakoak dira saridunak:

  • Edi Fernandez Lopez
  • Jesus Blazquez Tiemblo
  • June Urkola Lazkano

Nagore Izagirre, Ainitze Korta eta Josu Sarriegi LazkaOn elkarteko ordezkariek banatu dituzte sariak.

Asteburu honetan hasiko da zine denboraldia 05 Urria 2017

Asteburu honetan hasiko da zine denboraldia Lazkaon, Areria aretoan. Ohi bezala haurrentzako eta helduentzako saioak eskainiko dira aurten ere. Larunbat eta igande arratsaldetan haurrei zuzendutako film bat ikusi ahalko da, eta larunbat, igande eta astelehenetan helduentzako bat. Ikusleen Eguna astelehenetan izaten jarraituko du, eta zine denboraldia ekainera arte luzatuko da aurten ere.

Udazkena ekintzaz beteta iritsi da Lazkaora 04 Urria 2017

Lazkaoko Udalak banatu berri du herriko etxebizitza guztietara udazkeneko agenda. Kultur, kirol eta gizarte arloko ekintzak biltzen dira bertan, udalak herriko hainbat talde eta eragilerekin elkarlanean antolatu dituenak. Urritik abendura bitartean, ugariak izango dira herrian egingo diren ekintzak. Udal ordezkariek eta herriko hainbat eragilek aurkeztu dute udazkeneko agenda.

Hasi da Pausoka egitasmoa 03 Urria 2017

Martxan da Pausoka egitasmoa, adinekoek lagun artean paseora irtetzea helburu duena. Ohiko erabiltzaileekin batera, Txindoki egoitzako erabiltzaileek ere parte hartu dute gaurko txangoan.

San Migel eguna iruditan 01 Urria 2017

San Migel eguna eta jubilatuen eguna iruditan:

Lazkaoko Udalak elkartasuna adierazi dio Catalunya-ko herriari 28 Iraila 2017

Lazkaoko Udalak elkartasuna adierazi dio Catalunya-ko herriari adierazpen instituzional baten bidez. Adierazpenean honako lau puntuak jasotzen dira:

Kirol Astea, irailaren 30etik urriaren 10era 28 Iraila 2017

Europan ospatzen den Kirolaren Astearekin bat egingo du aurten Lazkaoko Udalak, eta bihar, irailak 30, hasi eta urriaren 10era hainbat ekintza antolatu dira, kirol minoritarioei garrantzia eman eta kirolak osasunarekin duen lotura azaleratzeko.

Merkataritza eta ostalaritza kanpainako lehen saridunak 28 Iraila 2017

Lazkaoko Udalak eta LazkaOn elkarteak antolatutako "Udazkenean aisiaz gozatu Lazkaon" kanpainaren barruan egin da lehen zozketa. Zine denboraldirako hiru bono zozkatu dira, eta honakoak dira saridunak:

  • Eneko Aldasoro Berakoetxea
  • Ane Carrion Agirre
  • Mª Karmen Baztarrika Urbiztondo
Herri afarirako txartelak asteazkenean eskuratu ahalko dira udaletxean 25 Iraila 2017

Ostiralean, San Migel eguna, Lazkaon egingo den herri afarirako txartelak asteazkenean, irailak 27, eskuratu ahalko dira, udaletxean, 09:00etan hasi eta amaitu arte. Txartelak zenbatuta egongo dira.

Ohiko Osoko bilkura egingo du bihar, asteartea, Lazkaoko Udalak 25 Iraila 2017

Lazkaoko Udalak Ohiko Osoko bilkura egingo du bihar, asteartea, 19:00etan, udaletxeko areto nagusian.

Musika, dantza, sagardoa eta Basherri Eguna asteburuan Lazkaon 22 Iraila 2017

Asteburu honetan jarraituko dute sanmigeletako festen inguruko ekintzek Lazkaon. Larunbatean Jundajo txarangak eta Oin Arinek saioa egingo dute goizean eta arratsaldean egingo da sagardo festa. Igandean, berriz, Basherri Eguna izango da.

Hasi da “Udazkenean aisiaz gozatu Lazkaon” kanpaina 18 Iraila 2017

Lazkaoko Udalak, LazkaOn Merkataritza Elkartearekin elkarlanean, “Udazkenean aisiaz gozatu Lazkaon” kanpaina jarri du martxan, bigarren urtez. Kanpaina honetan, herriko 52 merkatarik eta 27 ostalarik parte hartuko dute.

SARREREN BOTOIA 02zahar

Agenda

22 Aza 2019 19:30 – 22:00

23 Aza 2019 17:00 – 24 Aza 2019 18:30

23 Aza 2019 19:30 – 25 Aza 2019 22:00

24 Aza 2019 19:30 – 21:30