Ura eta estolderiaren gaineko zerga 05 Urria 2017

2017ko urtealdiari dagokion Zerga eta Prezio Publikoen Egutegi Fiskalean zehazten denez, ura eta estolderiaren gaineko zergan 3. lauhilekoari dagokion ordainketa egiteko epea azaroaren 10ean amaituko da. Helbideratuta dauden erreziboak urriaren 16an kobratuko dira.

Merkataritza eta ostalaritza kanpainako bigarren zozketako saridunak 05 Urria 2017

Lazkaoko Udalak eta LazkaOn elkarteak antolatutako "Udazkenean aisiaz gozatu Lazkaon" kanpainaren barruan bigarren zozketa egin da. Hiru ebokk zozkatu dira, eta honakoak dira saridunak:

  • Edi Fernandez Lopez
  • Jesus Blazquez Tiemblo
  • June Urkola Lazkano

Nagore Izagirre, Ainitze Korta eta Josu Sarriegi LazkaOn elkarteko ordezkariek banatu dituzte sariak.

Asteburu honetan hasiko da zine denboraldia 05 Urria 2017

Asteburu honetan hasiko da zine denboraldia Lazkaon, Areria aretoan. Ohi bezala haurrentzako eta helduentzako saioak eskainiko dira aurten ere. Larunbat eta igande arratsaldetan haurrei zuzendutako film bat ikusi ahalko da, eta larunbat, igande eta astelehenetan helduentzako bat. Ikusleen Eguna astelehenetan izaten jarraituko du, eta zine denboraldia ekainera arte luzatuko da aurten ere.

Udazkena ekintzaz beteta iritsi da Lazkaora 04 Urria 2017

Lazkaoko Udalak banatu berri du herriko etxebizitza guztietara udazkeneko agenda. Kultur, kirol eta gizarte arloko ekintzak biltzen dira bertan, udalak herriko hainbat talde eta eragilerekin elkarlanean antolatu dituenak. Urritik abendura bitartean, ugariak izango dira herrian egingo diren ekintzak. Udal ordezkariek eta herriko hainbat eragilek aurkeztu dute udazkeneko agenda.

Hasi da Pausoka egitasmoa 03 Urria 2017

Martxan da Pausoka egitasmoa, adinekoek lagun artean paseora irtetzea helburu duena. Ohiko erabiltzaileekin batera, Txindoki egoitzako erabiltzaileek ere parte hartu dute gaurko txangoan.

San Migel eguna iruditan 01 Urria 2017

San Migel eguna eta jubilatuen eguna iruditan:

Lazkaoko Udalak elkartasuna adierazi dio Catalunya-ko herriari 28 Iraila 2017

Lazkaoko Udalak elkartasuna adierazi dio Catalunya-ko herriari adierazpen instituzional baten bidez. Adierazpenean honako lau puntuak jasotzen dira:

Kirol Astea, irailaren 30etik urriaren 10era 28 Iraila 2017

Europan ospatzen den Kirolaren Astearekin bat egingo du aurten Lazkaoko Udalak, eta bihar, irailak 30, hasi eta urriaren 10era hainbat ekintza antolatu dira, kirol minoritarioei garrantzia eman eta kirolak osasunarekin duen lotura azaleratzeko.

Merkataritza eta ostalaritza kanpainako lehen saridunak 28 Iraila 2017

Lazkaoko Udalak eta LazkaOn elkarteak antolatutako "Udazkenean aisiaz gozatu Lazkaon" kanpainaren barruan egin da lehen zozketa. Zine denboraldirako hiru bono zozkatu dira, eta honakoak dira saridunak:

  • Eneko Aldasoro Berakoetxea
  • Ane Carrion Agirre
  • Mª Karmen Baztarrika Urbiztondo
Herri afarirako txartelak asteazkenean eskuratu ahalko dira udaletxean 25 Iraila 2017

Ostiralean, San Migel eguna, Lazkaon egingo den herri afarirako txartelak asteazkenean, irailak 27, eskuratu ahalko dira, udaletxean, 09:00etan hasi eta amaitu arte. Txartelak zenbatuta egongo dira.

Ohiko Osoko bilkura egingo du bihar, asteartea, Lazkaoko Udalak 25 Iraila 2017

Lazkaoko Udalak Ohiko Osoko bilkura egingo du bihar, asteartea, 19:00etan, udaletxeko areto nagusian.

Musika, dantza, sagardoa eta Basherri Eguna asteburuan Lazkaon 22 Iraila 2017

Asteburu honetan jarraituko dute sanmigeletako festen inguruko ekintzek Lazkaon. Larunbatean Jundajo txarangak eta Oin Arinek saioa egingo dute goizean eta arratsaldean egingo da sagardo festa. Igandean, berriz, Basherri Eguna izango da.

Hasi da “Udazkenean aisiaz gozatu Lazkaon” kanpaina 18 Iraila 2017

Lazkaoko Udalak, LazkaOn Merkataritza Elkartearekin elkarlanean, “Udazkenean aisiaz gozatu Lazkaon” kanpaina jarri du martxan, bigarren urtez. Kanpaina honetan, herriko 52 merkatarik eta 27 ostalarik parte hartuko dute.

Astelehenean hasiko da Mugikortasun Astea 13 Iraila 2017

Beste urte batez Lazkaoko Udalak bat egingo du Nazioarteko Mugikortasun Astearekin. Irailaren 18tik 22ra hainbat ekintza antolatu dira herrian eta herritarren artean mugikortasuna bultzatzeko.

Kultura arloko ikastaroetarako izena emateko epea irekita dago 11 Iraila 2017

Lazkaoko Udalak prestatu du kultura ikastaroen eskaintza 2017-2018 denboraldirako: yoga, aretoko dantzak, sevillanak, orratz lanak, makinaz josten ikasteko ikastaroa eta robotika ikastaroa egiteko aukera egongo da.

Irailaren 18an hasiko dira kirol ikastaroak 11 Iraila 2017

Lazkaoko Udalak prestatu du 2017-2018 denboraldirako kirol eskaintza. Aurten, gainera, aurreratu egingo da ikastaroen hasiera eguna. Orain arte, urrian hasten baziren ikastaroak, aurten irailaren 18ra aurreratu dira. Haurrentzako ikastaroak urrian hasiko dira: funkya, gimnasia erritmikoa eta igeriketa.

San Prudentzio kaleko lanak egiten hasi dira 07 Iraila 2017

Lazkaoko San Prudentzio kaleko 15 eta 23 zenbakien artean egin behar diren lanak martxan daude. Oinezkoei lehentasuna ematea eta kaleari izaera urbanoagoa ematea dira lanen helburuak, eta horretarako oinezkoen bideak egokituko dira. Behin lanak amaituta, Ibilgailuen eta oinezkoen arteko elkarbizitza hobetuko da.

Kanpoko igerilekuak igandean itxiko dira 06 Iraila 2017

Joxe Miel Barandiaran kiroldegiko kanpoko igerilekua igande honetan itxiko da, udako denboraldiari amaiera emanez. Ekainaren 10az geroztik daude irekita, eta hiru hilabete hauetan hainbat ekintza egin dira beretan. Datorren urteko ekainean irekiko dira berriz igerilekuak eta belardia eta solariuma.

Pausoka egitasmorako boluntarioak behar dira 05 Iraila 2017

Urrian jarriko da berriz martxan Pausoka egitasmoa, Lazkaoko Udalak, Txindoki egoitzak, Orobione, Azki eta Nagusilan elkarteek, San Benito ikastolak eta Osakidetzaren herriko anbulatorioak bultzatuta. Adinekoei zuzendutako egitasmoa da, beste herritar batzuekin elkartu eta elkarrekin kirola eginez osasuna hobetzea helburu duena.

Irailaren 14an eguneratu ahalko da ziklomotorren eta traktoreen IAT-a 04 Iraila 2017

Ziklomotorrei IAT-a pasatzeko hurrengo eguna irailaren 14an izango da. IAT-a Beasainen eguneratu beharko dute lazkaotarrek, udaletxe ondoan egokitutako lokalean.

Datu turistiko oso onak lortu dira udan Goierrin 31 Abuztua 2017

Uztaila eta abuztua oso oparoak izan dira aurten ere turismoari dagokionez. Goitur Goierriko Turismo Agentziak eman dituen datuen arabera, gora egin du bisitari kopuruak, eta iaz lortutako errekorra gainditu egin da aurten.

SARREREN BOTOIA 02zahar

Agenda

17 Uzt 2019 22:00 – 23:30

18 Uzt 2019 22:00 – 23:59

19 Uzt 2019 19:00 – 20:30

19 Uzt 2019 22:00 – 23:59

23 Uzt 2019 00:00 – 23:59