31. Lilatoirako kamisetak sortu ditu Lazkaoko Udalak eta ‘Kirolera’ ekimenean ekingo dio banaketari otsailaren 25ean 19 Otsaila 2020
  • Udalean ere eskuratu ahal izango dira ‘Emakumeok harro’ lelodun kamisetak. 75 ale sortu dira eta agortu bitartean egongo dira eskuragarri.
‘Erradikalak ginen’ bakarrizketa, Amalur M.E.-ren Mendi Astearen amaiera eta zinema asteburuan Lazkaon 19 Otsaila 2020
  • Ostegunean, otsailak 20, asteburuaren atarikoa: Amalur M.E.k antolatutako Mendi Astearen azken ikus-entzunezkoa ikusteko aukera izango da, ‘Elur goritan Kamchatka’, arratsaldeko 19:30etan Arerian.
San Prudentzio kaleko 11 zenbakidun etxebizitza eraitsita 18 Otsaila 2020
  • Udalak, otsailaren 5ean eraikinean izandako suteak herritarrengan eragin zitzakeen segurtasun arazoak zirela eta, espediente administratiboa abian jarri eta eraikina segurtatzeko eskaera luzatu zion jabegoari. Jabeek egokiena etxebizitza eraistea zela erabaki zuten.
Romana Mujica lazkaotarrak 100 urte bete ditu 15 Otsaila 2020
  • Lazkaoko herriaren izenean zoriondu du Kepa Zubiarrain alkateak lore sorta eta plaka batekin.

Romana Mujica Urretabizkaia lazkaotarrak 100 urte bete ditu gaur familiartean eta Lazkaoko herriaren izenean zoriondu du Kepa Zubiarrain alkateak lore sorta eta plaka batekin.

Zorionak Romana!

100 URTE

2020ko aurrekontua eta udal zerga eta tasei buruzko ‘Lazkao’ aldizkariaren ale berezia kalean 13 Otsaila 2020
  • Lazkaoko etxe guztietan banatu da ale bana eta eraikin publikoetan ere eskuragarri dago. Era digitalean, www.lazkao.eus -en.
Merkataritza eta ostalaritza sustatzeko diru-laguntzak berritu eta zenbatekoa handitu du Lazkaoko Udalak 13 Otsaila 2020
  • Irekiera berria izateagatik 400 euroko zenbateko finkoa emango du udalak, iaz baino 150 euro gehiago. Lokalak egokitzeagatik, berriz, justifikatutako gastuaren %15-era arteko laguntza eskatu ahalko da (3 ehuneko gehiago), diru laguntza gehienez ere 1.250 eurokoa izanik (250 euro gehiago).
Kantaka abesbatza eta Gontzal Mendibil elkar hartuta ostiralean, otsailak 14, Arerian eskainiko duten kontzertuan 12 Otsaila 2020
  • Zinemak eta Gaztelu zeharkatuko duen mendi ibilaldiak osatuko dute asteburuko eskaintza.

Kantaka eta Gontzal Mendibilek kontzertua eskainiko dute ostiral honetan, otsailak 14, Arerian. Arratsaldeko 20:15ean ekingo zaio emanaldiari. Oraindik geratzen dira sarrera gutxi batzuk www.lazkao.eus atarian.

Gontzal Mendibil izango da protagonista kontzertuaren lehen zatian eta honako abestiak abestuko ditu: Biok, Eztia, Bizitzen Ikastea, Esperantza, Handia Izanen Naizenean, Ama Gorbeia, Agur Ama, Amaren Sua eta Merezi Ote. Kantu hauen ostean Kantaka abesbatzarekin elkarlanean jardungo du honako abestiak taularatuz: Gure Herria, Ez Bedi Galdu Euskera, Laster, Laster, Memorian, Billoxik, Bagare eta Herria Maitatzeko.

Astelehena bitarte luzatuko da, berriz, zinema eskaintza. Bi filme eskainiko dira: ‘Lur eta Amets’ haurrei zuzendua eta ‘Jojo rabbit’ helduentzako. Honakoak dira pase ezberdinen ordutegiak:

Jojo rabbit

• Otsailak 15, larunbata: 19:30 / 22:00.
• Otsailak 16, igandea: 19:30.
• Otsailak 17, astelehena: 21:30. Ikuslearen eguna.

Lur eta amets

• Otsailak 15, larunbata: 17:00.
• Otsailak 16, igandea: 17:00.

Igandean, otsailak 16, mendia izanen da protagonista beste behin. Gaztelu (Zaldibia) zeharkatuko duen mendi ibilaldia antolatu da. Goizeko 9:00etan ezarri da irteera Herriko plazan.

agenda otsaila 3

Iñauteriak, sexologia tailerra eta zinema otsailean Lazkaoko Gaztelekuan 11 Otsaila 2020
  • 12 eta 17 urte arteko gaztetxoei dago zuzendua eta arratsaldeko 16:00etatik 20:00etara dago irekita asteburu eta jai egunetan.

Lazkaoko Gaztelekuak ekitaldi andana antolatu du datozen asteetarako. Honakoa izango da programazioa:

Otsailak 15, larunbata: Lazkaoko iñauteriak
Otsailak 16, igandea: zine sesioa

Otsailak 22, larunbata: Mozorroa prestatzen
Otsailak 23, igandea: Tolosako iñauteriak

Otsailak 29, larunbata: Harreman, zaintza eta sexologia tailerra?

Gaztelekua apirilaren amaierara bitarte egongo da irekita asteburu eta jaiegunetan, eguberriak eta Aste Santua barne, arratsaldeko 16:00etatik 20:00etara. 12 eta 17 urte arteko gaztetxoei dago zuzendua eta helburu du gazteentzako garrantzitsu den espazio propioa eskaini eta lagunekin elkartzeko gunea izatea.

Liburutegiak zuzeneko telefono zenbaki berria du 11 Otsaila 2020

Lazkaoko Udal Liburutegiak zuzeneko telefono zenbaki berria du: 943 086 845. Helburu du herritarrei arreta pertsonalizatua, zuzena, zehatza eta unean-unekoa eskaintzea, liburutegiko arduradunen eskutik.

Hilerriko hesia konpondu du Udalak 10 Otsaila 2020
  • Hainbat mantentze lan burutu dira 2020ko lehen hilean zehar, hala nola: Hirigoien kaleko haur parkean irisgarritasun baldintzak hobetzeko arrapalak eraiki dira, udal altzariak berritu dira hainbat gunetan, urarekin lotutako hainbat lan edota zuhaitz mozketak.
Eñaut Elorrietaren kontzertua eta zinema, asteburuaren osagaiak Lazkaon 06 Otsaila 2020
  • Izango da ere Itxurrene-CAF (Lazkaoko Itzulia) zeharkatuko duen mendi ibilaldia.
2019ko udal tasak eta zergak ordaintzeko laguntzak otsailaren 10etik 21era bitarte eska daitezke 05 Otsaila 2020
  • 2019. urtean ohiko etxebizitzako ura, estolderia, zabor eta hiri lurren ondasun higiezinen gaineko zerga eta tasengatik ordaindutakoa berreskuratzeko laguntzak dira.
Lazkaoko Udalaren WhatsApp bidezko komunikazio kanal berria ostegun honetan jarriko da abian 04 Otsaila 2020
  • Astean behin igorriko da WhatsApp informazio-buletina, udal berri eta agendarekin. Horrez gain, noizbehinkako argitalpenak eta larrialdi-abisuak ere igorriko dira.
Datorren otsailaren 28an Pirritx, Porrotx eta Marimotots Lazkaon ikusteko sarrerak, salgai 03 Otsaila 2020
  • www.lazkao.eus atarian daude eskuragarri; 350 sarrera jarri dira eskura 10 euroko prezioan.
9 filmez osatutako programazioa antolatu da Arerian otsailerako 31 Urtarrila 2020
  • Honakoak dira filmak: 1917; Bayala, una aventura mágica; Mujercitas; Jugando con fuego; Jojo rabbit; Lur eta amets; El escándalo (Bomshell); Adú; eta Las aventuras del Dr. Dolittle.
Lazkaoko Udaltzaingoak, Ertzaintzarekin elkarlanean, 13 eta 15 urte arteko 200 gaztetxorekin prebentzio saioa burutu du 29 Urtarrila 2020
  • 200 ikaslek hartu dute parte. Hainbat udaltzainek edozein droga kontsumitzeak ekar ditzakeen arrazoiak eta ondorioak azaldu zizkien, alkoholaren kontsumoa, legearen nondik norakoak, lapurretak, gainean eraman beharreko dokumentazioa, liskarretan eduki beharreko jokabidea… hainbat gomendio eta laguntza eskaini dizkiete.
Instalakuntzak eta hormigoizko azpiharriak eginda, zorua jartzen ari dira Elosegi Kalean 28 Urtarrila 2020
  • Otsaila bukaerarako amaitzea dago aurreikusia Elosegi Kalean frontoia eta udaletxe arteko eremuaren eraberritzea.
Lazkaoko Udalak salatu ditu azken aldian herrian zehar agertu diren pintaketak, azkena Jose Lasa parkerako sarbideetako batean 27 Urtarrila 2020
  • Kepa Zubiarrain alkatea: “herritar guztien hiri-ondarea kaltetzeaz gain, kale eta altzarien garbitzeari ere kalte egiten diete honelako ekintzek. Guztiona den herria guztiok zaindu behar dugu, errespetu osoz. Honelako ekintzek guztioi eragiten digute txarrerako zentzu orotan”.
Asteazken honetan, urtarrilak 29, Ohiko Osoko Bilkura Lazkaoko Udalean 27 Urtarrila 2020
  • Arratsaldeko 18:30ean izango da Udaleko Areto Nagusian.
Lazkaoko Udaltzaingoak, Ertzaintzarekin elkarlanean, 13 eta 15 urte arteko gaztetxoekin prebentzio saioa burutuko du urtarrilaren 27an 23 Urtarrila 2020
  • Klase horretan, hainbat udaltzainek edozein droga kontsumitzeak ekar ditzakeen arrazoiak eta ondorioak azalduko dizkie, alkoholaren kontsumoa, legearen nondik norakoak, lapurretak, gainean eraman beharreko dokumentazioa, liskarretan eduki beharreko jokabidea… hainbat gomendio eta laguntza eskainiko diete.
‘Autodefentsa Feminista’ ikastaroan izen emateko epea otsailaren 3an zabalduko da 22 Urtarrila 2020
  • Doanekoa izango da ikastaroa eta honakoak dira baldintzak: 16 urtetik gora izatea, Lazkaon erroldatuta egotea eta emakumea izatea.

ZINEIkuskizuSARREREN BOTOIA 02

Agenda

22 Ots 2020 19:30 – 24 Ots 2020 22:30


29 Ots 2020 17:00 – 01 Mar 2020 19:00

29 Ots 2020 19:30 – 02 Mar 2020 22:30

01 Mar 2020 08:00 – 13:30