Umeentzako zine emanaldirik ez da egongo asteburuan 23 Otsaila 2017

Inauteriak direla eta, asteburu honetan ez da haurrentzako zine emanaldirik egongo Arerian.

Haritzi Haundi itxita egongo da asteburuan 21 Otsaila 2017

Iberdrolak Harizti gainetik igarotzen diren tentsio altuko bi lineatan egin behar dituen lanak direla eta, asteburuan, otsailak 25 eta 26 (larunbata eta igandea), Harizti Haundi futbol zelaia itxita egongo da.

 

 

Fitosanitarioen ikastaroa egingo da martxoan 21 Otsaila 2017

Fitosanitarioen ikastaroa egin ahalko da Lartxai elkartean, martxoaren 20tik 24ra bitartean, egunero 15:00etatik 20:0etara. Guztira, 25 orduko ikastaroa izango da. Bertan parte hartzeko aurrez izena eman beharko da, udaletxean, 943 08 80 80 telefono zenbakira deituta edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera mezu bat bidalita. Matrikula 40 euro kostako da, eta izena emateko azken eguna martxoaren 10a izango da. Ikastaroa antolatzeko gutxienez 40 pertsonak eman behar du izena.

Su Ta Gar-en kontzerturako sarrerak salgai daude udaletxean 21 Otsaila 2017

Su Ta Gar taldeak Lazkaon egingo duen kontzerturako sarrerak udaletxean daude salgai, 20 euroan. Kontzertua martxoaren 10ean izango da, ostirala, 22:00etan Arerian. "Maitasunari Pasioa" azken lana aurkeztuko du taldeak, aretoz areto egiten ari den biraren barruan. 

Esneari buruz aritu dira Iztuetakoak 17 Otsaila 2017

"Lazkao. Ezagutu gure eskaintza" proiektuaren barruan, esneak ematen dituen aukerei buruz aritu ziren atzo herriko Iztueta baserriko arduradunak. Esnearen onurez eta osasunerako dituen abantailez gain, elikagai bezala esnea nola erabili litekeen azaldu zuten, eta saioaren amaieran Kuko jatetxeko Iker Markinezek postre goxo bat egin zuen. 

 

Merkataritza eta ostalaritza guneak berritzeko diru laguntzen oinarriak onartu dira 16 Otsaila 2017

Lazkaoko Udalaren 2015-2019 plan estrategikoaren barruan zehaztutako helburu nagusien artean dago herriko ekonomia sustatzea. Horretarako, ezinbestekotzat du merkataritza, ostalaritza eta zerbitzu mailan herriko eragileekin elkarlana bultzatzea, sektoreak herriko ekonomian aberastasuna eta enplegua sortzen dituelako. Helburuak betetzeko bidean, Gobernu Batzordeak merkataritza eta ostalaritza sustatzeko diru laguntzen oinarriak onartu ditu. Guztira, 10.000 euro emango ditu aurten udalak.
 
Diru laguntza hauek 2017an Lazkaon irekitako merkataritza eta ostalaritza jarduera berrientzako eta indarrean dauden jardueretan urtean zehar egindako berritze eta modernizazio lanetan laguntzeko izango da. Laguntzak udaletxean eskatu behar dira, 2017ko abenduaren 31 baino lehen. Laguntzak eskatzeko aukera izango dute Jarduera Ekonomikoaren Gaineko Zergan alta emanda duten Lazkaoko merkataritza eta ostalaritza jardueren titularrek.  
 
Irekitze berria izateagatik 250 euroko zenbatekoa finkatu du udalak. Lokalak egokitzeagatik, berriz, justifikatutako gastuen %12 (gehienez 1.000 euroko mugarekin).  
 
Tokiko ekonomia sustatzeaz gain, eta merkataritza dagoen tokian bizia dagoela kontuan hartuta, herria girotzea da udalaren helburua, Lazkaok herri bizi bat izaten jarraitu dezan.

 

San Jose auzoan mantenu eta berritze lanak egingo dira 16 Otsaila 2017

Datozen egunetan hasita, hainbat mantentze eta berritze lan egingo ditu udalak San Jose auzoan. Besteak beste, hiri altzariak eta barandak margotuko dira. Lanen iraupena hiru eta lau aste ingurukoa izatea aurreikusten da.
 
Lazkaoko Udalak herriko hainbat gune balioan jartzeko asmoz iaz hasitako mantentze lanen prozesuan txertatu du San Jose auzoa ere. Iaz Gurutze eta San Prudentzio auzoetan egin bezala, San Josen egingo dira orain lan horiek.

Gida baimena euskaraz atera dutenei diru laguntza emango die Lazkao Udalak 16 Otsaila 2017

Gida baimena euskaraz atera duten herritarrei zuzenduta, 1.500 euroko diru laguntza onartu du Lazkaoko Udalak. Autoan edo motorrean ibiltzeko baimena 2016an euskaraz atera eta diru laguntza jasotzeko eskaria egin dutenak 15 izan dira. Beraz, pertsona bakoitzak 100 euroko laguntza jasoko du.  
 
Geroz eta lazkaotar gehiago dira gida baimena euskaraz ateratzera animatzen direnak, eta Lazkaoko Udalak bide horretan jarraitu nahi du, hala egiten dutenak sarituta.

Jaiak antolatzeko hirugarren bilera martxoaren 1ean da 16 Otsaila 2017

Datorren martxoaren 1ean egingo da San Prudentzio jaiak antolatzeko bigarren bilera. Udaletxeko batzar aretoan izango da, 19:00etan. Udaletik herritar guztioi luzatzen dizuegu bileran parte hartzeko deia.

Iturgaitzagako urbanizazio proiektuaren laugarren fasea aste honetan hasiko da 15 Otsaila 2017

Iturgaitzagako garapeneko urbanizazio proiektuaren barruan, datozen egunetan emango zaio hasiera laugarren faseari. Fase honetan gaur egun Iturgaitzagan eraikita dagoen saihesbidea Lazkaomendi aldera deplazatuko da, eta Lazkaomendiko bidegurutzean eraikitako biribilgunetik erdiguneraino, bi norabideko bidea eta bidegorria eraikiko dira. 

Bide zati berriak eta bidegorriak jada Maizpide euskaltegiraino irekita dagoen bidearekin bat egingo du. Hala, euskaltegi parean hasi eta ia Lazkaomendirako biribilgunera arte luzatuko da bide berria eta bidegorria. 

Lanen iraupena sei eta zortzi hilabete artekoa izango dela aurreikusten da. Denbora tarte horretan, lanek eragin zuzena izango dute barianteko trafikoan, lanak egin ahal izateko errepide estutzeak eta mozketa puntualak egin beharko baitira. Udaletik arretaz gidatzeko deia egiten da, eta errepidean jarritako seinaleei kasu egiteko eskatzen da. 

Lan hauen ejekuzioa aprobetxatuz, Lazkaomendirako oinezkoen pasoa egiteko proiektua ere martxan jarriko da. Oinezkoen azpiko pasoari dagokionez, Maizpide euskaltegiaren parean eraikiko da, eta bidea bariante azpitik pasako da. 

Iturgaitzaga eremurako diseinatutako urbanizazio proiektua laugarren fasera iritsiko da saihesbidea desplazatzeko lanekin. Saihesbideko obra eta bide berria egiteko lanak 933.140 euroan esleitu dira, eta lanan kostua Iturgaitzagako promotoreen gain geratzen da. 

Lazkaomendiko biribilgunea egieko lanak egin ziren lehen fasean, bigarren fasean Iturgaitzaga kaleko lanak egin ziren, eta errealojoko etxebizitzak ondoren. Hirugarren fasean Hiribarren kaleko lanak egiten dira gaur egun.

Trakzio mekanikodun ibilgailuen zerga ordaintzeko epea 09 Otsaila 2017

2017ko urtealdiari dagokion Zerga eta Prezio Publikoen Egutegi Fiskalean zehazten den bezala, trakzio mekanikodun ibilgailuen zerga ordaintzeko epea otsailaren 15etik martxoaren 30era izango da. Epea ezarritako egunean bukatuko da.

Iztuetakoek hitzaldia egingo dute esneak ematen dituen aukerei buruz 09 Otsaila 2017

"Lazkao. Ezagutu gure eskaintza" kanpainaren barruan Iztueta elkarteko Ainitze Salak hitzaldia egingo du otsailearen 16an, esneak ematen dituen aukerak zein diren azaltzeko. Salarekin batera Ordiziako D'Elikatuz elikadura zentroko nutrizionistak hitz egingo du, eta saioaren amaieran Kuko jatetxeko Iker Markinez sukaldariak postre bat egingo du. Hitzaldia 18:30ean hasiko da, kultur etxean.

Lazkaoko Udalak merkataritza, ostalaritza, zerbitzuak eta enpresen jarduerak babestu eta indartzeko martxan jarritako kanpainaren barruan hirugarren hitzaldia izango da Iztuetakoena. "Lazkao. Ezagutu gure eskaintza" programak herriko merkatari, ostalari eta zerbitzuetako arduradunak beraien jarduerari buruzko hitzaldiak egitera animatu dira, herriko dendek eta zerbitzuek duten garrantzia azpimarratzeko.

"Goazen"-en osteguneko ikuskizunerako (20:00) azken sarrerak salgai 04 Otsaila 2017

Ostegunean, otsailak 9, Goazen-ek Arerian 20:00etan egingo duen ikuskizunerako azken sarrerak salgai daude. Sarrerak eskuratu nahi dituenak udaletxera joan behar du. Sarrera bakoitza 10 euroan dago salgai.

Etzi, osteguna, 20:00etan egingo duten saioa da Lazkaon "Goazen"-en ikuskizuna ikusteko azken aukera, ostegunean 18:00etan eta ostiralean 18:00etan eta 20:00etan egingo dituzten emanaldietarako sarrerak agortuta baitaude. 

Goazen-ek Lazkaon egingo dituen ikuskizunak:

OTSAILAK 9, OSTEGUNA:

  • 18:00: sarrera guztiak agortuta
  • 20:00: SARRERAK SALGAI UDALETXEAN

OTSAILAK 10, OSTIRALA:

  • 18:00: sarrerak agortuta
  • 20:00: sarrerak agortuta
Otsailaren 15ean da jaiak antolatzeko bigarren bilera 03 Otsaila 2017

Datorren otsailaren 15ean egingo da San Prudentzio jaiak antolatzeko bigarren bilera. Udaletxeko batzar aretoan izango da, 19:00etan. Udaletik herritar guztioi luzatzen dizuegu bileran parte hartzeko deia. 

Goazen-ek beste bi saio egingo ditu Lazkaon 02 Otsaila 2017

Goazen ikuskizunak izan duen arrakasta ikusita, eta jende asko sarrerarik gabe geratu dela jakinda, Goazen taldeko aktoreek beste bi emanaldi egingo dituzte Lazkaon. Ostegunean, otsailak 9, izango dira. Lehen ikuskizuna 18:00etan izango da eta bigarrena 20:00etan. Osteguneko ikuskizunetarako sarrerak bihar, ostirala (otsailak 3) jarriko dira salgai, Areria aretoan, 17:30etik 20:00etara bitartean. 

Bihar sarrera guztiak salduko ez balira, berriro erosi ahal izango dira astelehenean (otsailak 6), Areria aretoan, 17:30etik 20:00etara bitartean. Ostiraleko saioetarako bezala, osteguneko saioetarako ere pertsonako gehienez 4 sarrera erosi ahal izango dira, bakoitza 10 euroan. 

 

Ura moztuko dute bihar arratsaldean 02 Otsaila 2017

Gipuzkoako Urak-ek jakinarazi duenez, bihar, ostirala, arratsaldean ura moztuko dute Hiribarren kaletik Senperera arte: Hiribarren kaleko 12.ataritik aurrera, Hiribarren atzean, Ibaben eta Senperen ez da urik egongo. Ur mozketa 17:00etan egingo dute, eta aurreikusi dutez bi ordu inguru izango dute ur hornidura moztuta. 

Goazen-en ikuskizunetarako sarrera guztiak agortuta daude 01 Otsaila 2017

Otsailaren 10ean Goazen-en emanaldietarako atzo, asteartea, salgai jarritako sarrera guztiak agortuta daude.

Goazen saioko kideek bi emanaldi egingo dituzte Lazkaoko Areria aretoan, lehena 18:00etan eta bigarrena 20:00etan. 

Goazen Arerian 27 Urtarrila 2017

Otsailaren 10ean Goazen-en 2 emanaldi Arerian: 18:00etan eta 20:00etan.

Sarrera salmenta Arerian izango da urtarrilaren 31n, asteartea, arratsaldeko 17:30etatik aurrera.

Salneurria 10 €koa izango da.

Oharra: gehienez bakoitzari 4 sarrera salduko zaio.

Herri baratze urbanoak, onartuen behin-betiko zerrenda 26 Urtarrila 2017

Urtarrilaren 26ko Ebazpen bidez herri baratze urbanoetako erabiltzaile izateko hautagaien onartu eta baztertuen behin-betiko zerrenda onartu da.

Aurreko epealdian erabiltzaieak izan diren eta berriz ere onartuak izan direnen partzelak zozketako zerrendatik kendu ostean, zozketa berri bat burutuko da libre dauden partzelak esleitzeko.

Zozketa bihar ostirala, urtarrilak 27, arratsaldeko 14:00tan burutuko da udaletxean.  

Ikusi zerrenda

Bach loreen onurak 25 Urtarrila 2017

Atzo Ekilore belardendaren eskutik, Udaletxean Bach loreen onurak eta hauek erabiltzeko moduak erakutsi zituen Sara Dominguezek, loreen bidezko terapeutak, eguneroko zailtasunei arrakastatsu aurre egiteko gomendioak jaso genituen.

San Prudentzio jaietako bilera 24 Urtarrila 2017

 

Datorren  otsailaren 1ean, arratsaldeko 19:00etan Udaletxeko batzar aretoan aurtengo San Prudentzio jaiak  antolatzeko lehen bilera egingo dugu, guztioi luzatzen dizuegu deia eta animatu zuen proposamenak aurkezteko etortzera.

SARREREN BOTOIA 02zahar

Agenda

20 Api 2019 19:30 – 23 Api 2019 21:30

21 Api 2019 17:00 – 23 Api 2019 17:00