San Migel jaietako ospakizunen baitan, Denbora Band taldearen emanaldia izango da Lazkaoko Musika Bandarekin, Xabier Zabala, Joli Pascualena eta Iker Huitzirekin batera; horrez gain, Jundajo Txarangak eta Marchi Imperial Elegancia Mexicana taldeak ere parte hartuko dute, haurren duatloiarekin eta sagardo dastaketa zein taloak bezalako proposamen gastronomikoekin batera.
La Bola Negra filmaren estreinaldia Areriara iritsiko da, eta emanaldiak irailaren 26an, larunbatean, 19:30ean eta 22:10ean izango dira; irailaren 27an, igandean, 19:30ean; eta irailaren 28an, astelehenean, 18:30ean eta 21:10ean.
Ekimenaren helburua herritarrak Lazkaoko zuhaitzetara gerturatzea da eta, inkesta baten bidez, bizilagunek udalerriko espezieen inguruan duten ezagutza-maila neurtzea. Boluntario gisa lagundu nahi duten pertsonek urriaren 2ra bitarte eman dezakete izena Lazkaoko Udalean edota Udalaren wegbugunean dagoen inprimakia betez:https://forms.gle/4UVR9KDKBLuDiGeU7.
Inkestaren bidez, Lazkaoko emakumeen interesak eta proposamenak ezagutu nahi dira, udazkeneko programazioa haien beharretara egokitzeko. Ekarpenak honako esteka honen bidez egin daitezke:https://es.surveymonkey.com/r/jabekuntzalazkao.
Lazkao Txikiren harrizko irudiaren ondoan egin den omenaldiak herriko eragileak eta herritarrak elkartu ditu. Oin Arin dantza taldeak eta Lazkaoko Bertsolaritza Eskolak parte hartu dute ekitaldian, eta bertsolariaren ibilbidea zein euskarari eta euskal kulturari egindako ekarpena izan dituzte gogoan.
San Migelak jaietako egitarauak bertso-afaria, Lazkaoko erraldoi eta buruhandien konpartsaren irteera, suzko zezena, Esparrura igoera eta zesta-puntako Open Jai Alai txapelketa jasotzen ditu aste honetan.
Areriak hainbat zinema-saio eskainiko ditu helduentzat zein haurrentzat.
Erakusketak 2027ko Aurrekontu Parte-hartzaileetako proposamen finalistak ezagutzeko aukera ematen du, baita Lazkaon erroldatuta dauden 16 urtetik gorako pertsonek boto-formularioa horretarako prestatutako hautetsontzian uzteko aukera ere. Epea irailaren 30era arte egongo da zabalik.
Lehen entsegua asteartean, hilaren 15ean, izango da, 20:00etan, Arerian. Segurako alborada, Elizondo edo Ikusi mendizaleak jotzen dakitenek parte hartu ahal izango dute, eta izena honako formulario honen bidez eman beharko dute:https://forms.gle/d58hnLLNtmesXamK9.
Igeriketa terapeutikoa eta haurtxoen igeriketa irailaren 7az geroztik martxan daude; irailaren 14an, berriz, helduentzako eskaintzaren zati handi bat hasiko da, bai aretoan bai igerilekuan. Programazioa urrian osatuko da, igeriketa ikastaroekin eta gazteei zuzendutako Ziklo Indoor eta Bodytraining jarduerekin. Espresfit izango da denboraldi honetako berrikuntza nagusia.
Oraindik izena eman nahi duten pertsonek hemen kontsulta ditzakete ikastaroen eskaintza osoa, ordutegiak eta tarifak. Era berean, kiroldegira jo dezakete plaza librerik dagoen jakiteko eta, tokia dagoen jardueretan, izen-ematea egiteko.
Ekimenak kirol arloan nabarmendu diren pertsonak, taldeak eta erakundeak aitortzea du helburu. Edozein pertsonak, elkartek edo erakundek aurkez ditzake proposamenak irailaren 25era bitarte udal-web orriaren bidez, https://labur.eus/LazkaoKirolSariak2026, edo aurrez aurre, Udaleko zein Joxemiel Barandiaran Kiroldegiko harreran.
Egitaraua irailaren 4an hasi zen Areria Kulturgunean Xabier Amurizak eskainitako emanaldiarekin; bertsoak eta hainbat gogoeta izan ziren ekitaldiko hari nagusiak.
Omenaldi-ekitaldia hilaren 15ean egingo da, 18:00etan, Lazkao Txikiren harrizko irudiaren ondoan.
Garagardo Azoka ostegunetik larunbatera egingo da plazako frontoian, eta hiru egunetan gastronomia-proposamenak, kontzertuak, afariak eta aisialdiko hainbat jarduera izango dira.
Arerian, berriz, asteburu honetan Spider-Man: Brand A New Day eskainiko da helduentzat eta Toy Story 5 haurrentzako saioetan.
2026-2027 ikasturteko euskara ikastaroetan izena emateko epea irailaren 21era bitarte egongo da zabalik euskaltegian. Ikasturtea urriaren 5ean hasiko da eta, matrikula egin ondoren, Lazkaon erroldatutako pertsonek Udalaren dirulaguntza eskatu ahal izango dute udaletxean. Udalak matrikularen balioaren %60a ordainduko du hasieran, eta gainerako %40a ikasturtea amaitzean, baldin eta eskatutako %80ko asistentzia betetzen bada.
Herritarren 142 proposamen jaso ondoren, azterketa teknikoaren prozesuak sei proiektu finalista utzi ditu. Orain, lazkaotarrek aukeratu eta lehentasun-ordenan jarri beharko dituzte Udalak bideratutako 100.000 euroko partidarekin gauzatzea nahi dituzten hiru jarduketak.
Herritarrek irailaren 30era bitarte parte hartu ahal izango dute bozketan. Aurrez aurre egin ahal izango dute, Udaletxeko erakusketa gelan prestatutako kutxan formularioa utzita, astelehenetik ostiralera, 10:00etatik 19:00etara. Nahiago dutenek, online ere bozkatu ahal izango dute, Lazkaoko Udalaren webgunean eskuragarri dagoen formulario digitala betez: https://labur.eus/AurrekontuPartehartzaileakLazkao20272.
Egitarauak bertsolaritza, Lazkao Txikiren figurari lotutako omenaldiak, musika emanaldiak, kirol ekitaldiak, Garagardo Azoka eta sagardo dastaketa bezalako hitzordu gastronomikoak, eta haur zein gazteei zuzendutako proposamenak bilduko ditu, tartean haur eta gazteen parkea eta txu-txu trena.
Ibilaldia Iturendik abiatuko da, eta 12 kilometroko ibilbidea eta 967 metroko desnibel positiboa izango ditu. Mendaurrera igo ondoren, Doneztebera joango dira bazkaltzera, Santa Maria jatetxera.
Helduentzako saioetan, La Odisea, Spider-Man: Brand A New Day eta El Ser Querido filmak eskainiko dira, baita Cannesko Zinemaldian Zuzendaritza Onenaren saria jaso duen La Bola Negra filmaren estreinaldia ere.
Haurrentzako emanaldiei dagokienez, Toy Story 5 eta Minioms & Monsters proiekzioak izango dira ikusgai.
Fenomenoa ilunabarrean izango da ikusgai, 19:30ak aldera hasiko da eta 20:27tik 20:30era bitartean izango du osotasun-fasea.
Eusko Jaurlaritzak eklipsea modu seguruan ikusteko babes-neurri egokien inguruko hainbat gomendio helarazi ditu, betaurreko ziurtatuen erabileran arreta berezia jarriz eta Eguzkiari babesik gabe zuzenean begiratzea saihesteko eskatuz.
Mikelar 4-5 eraikinen ingurua hobetzea da proiektu honen helburua, azpiegiturak berrituz eta espazio publikoak egokituz. Horretarako, irisgarritasuna hobetzeko, oinarrizko azpiegiturak berritzeko eta bidea asfaltatzeko lanak egiten ari dira. Obra Sasoi Eraikuntzak S.L. enpresaren esku dago, eta 93.775,09 euroko aurrekontua du (BEZik gabe).
