Udalak bere horretan mantenduko ditu OHZ, JEZ, Eraikuntza, Instalazio eta Obren gaineko Zerga eta ur horniduraren nahiz estolderiaren tasak. Zabor bilketaren eta kiroldegiko zerbitzuen tasek, berriz, igoera bereziak izango dituzte. Era berean, udal laguntzei eutsi eta horiek eguneratuko dira. Laguntzek zergak, tasak eta kirol, kultura nahiz aisialdiko jarduerak hartzen dituzte barne, eta familia ugariak, guraso bakarreko familiak eta titularra etxeko indarkeriaren edo genero indarkeriaren biktima duten familiak hartuko dira kontuan.
May Gorostiagak HH5etik aurrerako haurrentzako ipuin kontalaria saioa eskainiko du urriaren 16an, eta Kantaka eta Betiko Ametza abesbatzek Zaporeaken aldeko elkartasun kontzertua emango dute hilaren 17an. Kultur eskaintza osatzeko, helduentzako Inurri itsuak eta haurrentzako Tadeo Jones y la lámpara maravillosa filmak izango dira ikusgai.
Bisita gidatuak urriaren 16an, 18:30ean, eta urriaren 17an eta 22an, 11:00etan, egingo dira, parte-hartzaileei fundazioaren ondare historikoa eta dokumentala ezagutzeko aukera eskainiz.
Doako ikastaroak emakumeen autoezagutza, sormena eta ongizatea sustatuko ditu, gorputzaren, dantzaren eta mugimenduaren bidez. Lehen saioa urriaren 21ean hasiko da, eta guztira hamar izango ditu, asteazkenetan 11:00etatik 12:30era Lazkaoko kiroldegian eskainiko direnak. Interesa duten emakumeek Lazkaoko Udalean bertan edo udalaren webgunearen bidez, www.lazkao.eus, egin dezakete izen-ematea.
