Hirigintza, zerbitzuak eta Ingurugiroa

Hirigintza-antolamendua eta kudeaketa

• Udalaren ekimeneko hirigintza-planeamenduko tresnak idaztea eta partikularren ekimeneko planeamendua berrikustea eta gai horiekin lotutako espedienteak abiaraztea, izapidetzea eta ebazpenerako proposatzea.
• Udalaren ekimeneko hirigintza-kudeaketarako tresnak idaztea, partikularren ekimeneko kudeaketa tresnei buruzko txostenak sortzea eta tresna horiek berrikustea eta gai horiekin lotutako espedienteak abiaraztea, izapidetzea, ebazpenerako proposatzea eta beharrak betetzeari buruzko aktak ematea.
• Planeamenduaren gauzatze-prozesuaren jarraipena egitea, berriz zatitutako sailak Jabetza Erregistroan jaso eta hirigintza-kuotak likidatu arte, hirigintzako eskubideak eta betebeharrak behar bezala bete direla gainbegiratzea eta dagokien aktak ematea.
• Udal kartografia mantentzea eta eguneratzea.
• Jasotzen diren idatzizko kontsultei erantzutea.
• Ahozko kontsultei erantzutea, espedienteak aztertzeko eta planoak lortzeko aukera erraztuz, eta herritarrekiko zuzeneko harremanen bestelako alderdiak artatzea.

Obra partikularrak

• Hirigintza lizentziak emateko espedienteak izapidetzea: eraikinak eraikitzea, indartzea eta zabaltzea; eraistea, zatitzea, azpiegiturak ezartzea, hirigintzako obra osagarriak, lurrak mugitzea; eta behin-behineko erabilerak ezartzea, erabilerak aldatzea, eta eraikinen eta instalazioen lehen erabilera ezartzea.
• Obra txikien lizentziak eta obra-jakinarazpenak emateko espedienteak izapidetzea.
• Jasotzen diren idatzizko kontsultei erantzutea.
• Ahozko kontsultak erantzutea, espedienteak aztertzeko eta planoak lortzeko aukera erraztuz, eta herritarrekiko zuzeneko harremanen bestelako alderdiak artatzea.
• Diziplina-espedienteak izapidetzea, hirigintzari buruzko legeak babesteko eta urratutako hirigintza-ordena berrezartzeko.
• Arau-hausteen zehapen-espedienteak izapidetzea.

Jarduerak

• Administrazio-lizentzien mende dauden sailkatutako jardueren espedienteak izapidetzea, horiek funtzionatzeko beharrezko egiaztapena barne.
• Administrazio-lizentzien mende ez dauden sailkatutako jardueren aurreko komunikazioak izapidetzea, horiek funtzionatzeko beharrezko egiaztapena barne.
• Merkataritza-jardueren eta zenbait zerbitzuren aurreko komunikazioak izapidetzea, horiek funtzionatzeko beharrezko egiaztapena barne.
• Jasotzen diren idatzizko kontsultei erantzutea.
• Ahozko kontsultei erantzutea, espedienteak aztertzeko aukera erraztuz, eta herritarrekiko zuzeneko harremanen bestelako alderdiak artatzea.
• Diziplina-espedienteak izapidetzea, legeak babesteko eta urratutako ordena berrezartzeko.
• Arau-hausteen zehapen-espedienteak izapidetzea.

Azpiegiturak

• Azpiegituretako obrak eta/edo udalerrian egin beharreko obra handiagoak planifikatzea.
• Ezarri beharreko azpiegituren edo egin beharreko obren gauzatze-proiektuak idaztea.
• Azpiegituren eta/edo obren kontratazio-espedienteak izapidetzea.
• Esleitutako azpiegitura-obren zuzendaritza edo jarraipena horiek jaso arte.

Udal obra eta azpiegiturak

• Bide-azpiegiturak, bide publikoen zolaketa eta mantenua.
• Udal azpiegituren kudeaketa eta mantenua:
  • Kale argiak
  • Ur sarea
  • Ur saneamendua: euri urak eta ur zikinak
• Hilerria.
• Garbiketa eta hondakinen bilketa.
• Parkeak eta lorategiak.
• Irisgarritasuna.
• Eraikuntza publikoen kudeaketa, mantentze-lanak eta segurtasuna.
• Hiri-altzariak mantentzeko lanak.