Albisteak Kultura

Ate joka daude dagoeneko Lazkaoko San Prudentzio jaiak. Ostiralean piztuko da festen hasierako suziria, eta horrekin bederatzi eguneko egitaraua hasiko da.

Josten ikasteko oinarrizko ikastaroan parte hartzeko lekua dago oraindik. Beraz, interesa duenak udaletxean eman dezake izena, ostiralera arte. Ikastaroa artearteetan da, 16:00etatik 18:00etara, Orobionen.

San Prudentzio jaietako egitaraurako azala egiteko lehiaketara aurkeztu diren lanekin erakusketa jarri da kultur etxeko areto nagusian.

Azken urteetan sare sozialek izan duten garapena eta horien inguruan egiten den erabilera asko ugaritu da. Gai horri begira, sare sozialen erabilera oker batek zein arrisku izan ditzakeen ikasteko hitzaldia antolatu dugu San Benito Ikastolak eta Lazkaoko Udalak.

Lazkaoko Udalak bat egin du aurten ere "Irakurri, gozatu, oparitu" kanpainarekin. Irakurzaletasuna bultzatzea eta herritarrak euskarazko liburuak irakurtzera animatzea du helburu kanpainak. Horretarako, liburuak %35eko deskontuarekin eskuratzeko aukera izango dute lazkaotarrek kanpaina honi esker.

Lazkaoko Udalak antolatutako robotika ikastaroa ostiralean bukatuko da, eta bertan parte hartu dutenek hilabete hauetan egin dituzten lanak erakutsiko dituzte.