• Zineak bere ohiko jarduerarekin jarraituko du Areria Aretoan, astebururo bezala: ‘Entre rosas’ eta ‘El bebe jefazo: negocios de familia’.

• Sarrera guztiak www.lazkao.eus webgunean eta Areriako leihatilan daude salgai.

Missouriko Estatu Unibertsitateko The Missouri State University Chorale Abesbatzak kontzertua eskainiko du ostiral honetan, urriak 29, 20:00etan, Areria Aretoan, Cameron F. Ladren zuzendaritzapean, Lazkaoko Udazkeneko Musika Jaialdiaren baitan. Jatorri desberdineko hainbat pertsonak osatzen dute taldea, 27 gizon eta 27 emakumek.

Izen handiko talde honek Estatu Batuetako Abesbatzen Zuzendarien Elkartearen, Missouriko Musika Hezitzaileen Elkartearen eta Musika Hezkuntzaren Elkarte Nazionalaren hitzaldietan parte hartu du, eta birak egin ditu Ipar Amerikan, Europan, Asian eta Afrikan. Oraintsuko emanaldien artean aipatzekoak dira, besteak beste, Abesbatza Erakunde Nazionalak jasotako gonbidapenak, ACDAren eskualdeko eta nazioko konferentziak, Islandian, Norvegian, Danimarkan eta Suedian egindako 18 eguneko kontzertu-bira, eta Txinako Abesbatzen Nazioarteko Jaialdiko emanaldiak.

Duela gutxi, talde honek honako misio hau hartu zuen: entzuleak inspiratzea errepertorio anitzaren eta bikaintasun musikalaren bidez. Jarduera eta elkarreragin pertsonalen bidez, naziokoak zein nazioartekoak, taldeko kideen eta entzuleen arteko batasun- eta pertenentzia-giroa eraikitzen ahalegintzen dira.

Zineak bere ohiko jarduerarekin jarraituko du Areria Aretoan, astebururo bezala:

‘Entre rosas’ filma proiektatuko da hurrengo egunetan: larunbata 29 (19:30 eta 22:00), igandea 30 (19:30) eta astelehena 31 (21:00, Ikuskizunaren Eguna). ‘Munduko arrosarik ospetsuenak sortzen ari zen, baina orain modaz kanpo dago, saminduta eta porrot egiteko zorian. Verari, bere laguntzaile leialari, ideia zoro eta distiratsu bat bururatzen zaio, bere bizitzak betiko alda ditzakeena’.

Txikienentzat, ‘El bebe jefazo: negocios de familia’ larunbatean eta igandean 17: 00etan. "Templeton anaiak heldu bihurtu dira eta elkarrengandik urrundu dira, baina abangoardiako ikuspegia duen haurtxo-buru berri bat berriro batzeko eta familia-negozio berri bat sortzeko zorian dago".

Sarrera guztiak www.lazkao.eus webgunean eta Areriako leihatilan daude salgai.