• Helburua da herritarrei modu erraz eta erosoan eskaintzea sustatzen diren kanpainen udal-informazioa, jakinarazpenak, argibide praktikoak eta iragarkiak.
• 3 metroko altuerako egitura batean kokatuta eta bi aldeetatik ikusten da.

Lazkaoko Udalak informazio-panel bat jarri berri du Hirigoien kalean, bi aldetako pantailekin. Lazkaon instalatzen den lehen pantaila da. Espazio hori aukeratu da, zabalena delako eta pertsonen zirkulazio handiena duelako.

Udalaren helburua herritarrak modu gardenean eta eskuragarrian informatuta mantentzea da.

Pantaila 3 metroko altuerako egitura batean instalatu da, eta 2 LED panelek osatzen dute, 5,9 mm-ko pixelekin. Egunero 8:00etatik 00:00etara egongo da martxan, baina gauez intentsitatea murriztu egingo da.

Pantaila hori egokia da testuak, irudiak edo bideoak erakusteko, eta, bertan, udalaren administrazio-informazioa, udalerriko agenda osoa eta sustatzen diren kanpainak emango dira.