"Emantzipa" programak gazteen emantzipazioa bultzatzen du

 Eusko Jaurlaritzak, gazteen emantzipazioaren aldeko apustuan, Emantzipa programa jarri zuen martxan 2023an, gazteen independentzia errazteko. Lazkaoko Udalak laguntzen eta sustatzen duen programa.

Zer da Emantzipa?

Emantzipa programak 25 eta 29 urte bitarteko gazteentzako 300 euroko hileroko laguntzak eskaintzen ditu gehienez 24 hilabetez. Dirulaguntzak etxebizitza libre baten alokairu, hipoteka edo mailegu pertsonaleko gastuetara egon behar du zuzenduta.

Laguntza eskuratzeko baldintzak:

  • 25 eta 29 urte bitarteko adina.
  • Gutxienez urtebetez erroldatuta EAEko edozein udalerritan edo azken 10 urteetan etengabeko errolda 3 urtez.
  • Hileroko ordainketa egiaztagarria duen alokairu- edo salmenta-kontratu baten titularra izatea.
  • Beste etxebizitza baten jabe ez izatea.
  • Ohiko bizileku iraunkorra izatea etxebizitzan.
  • Errentatzailearekin bigarren mailara arteko familia-loturarik ez izatea.
  • Alokairua, hipoteka edo mailegua banku-transferentziaz edo Bizum bidez ordaintzea, besteak beste.

Baldintza ekonomikoak:

  • Banakako urteko diru-sarrerak 3.000 eta 28.000 euro artekoak izatea.
  • 3.000 eta 34.000 euro arteko urteko diru-sarrera bateratuak izatea.
  • 75.000 eurotik gorakoa ez den ondarea izatea.


Eskaera:

Eskabideak aurkezteko epea 2024ko otsailaren 20tik azaroaren 29ra izango da, www.euskadi.eus/emantzipa webgunean BakQ bidez identifikatuta edo pertsonan.

Kontsultak 945015591 telefonora deituz, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. posta elektronikoaren bidez eta GAZ Emantzipaziorako zerbitzuaren bidez erantzungo dira.

Tweet
Share