• Datorren ikasturterako sarrera-txartela behar duten pertsonek irailaren 2tik aurrera eskatu ahal izango dute.

Lazkaoko Udalak gogorarazi du abuztuaren 31n egun erabiltzen diren Ikasgelako sarrera txartel guztiak baliogabetuko direla. Datorren ikasturterako txartela behar dutenek irailaren 2tik aurrera eskatu ahal izango dute Udalaren harreran.

Ikasgelako txartela lortzeko, baldintza hauek bete behar dira:

• 16 urte beteta izatea.
• Lazkaon erroldatuta egotea edo San Benito Ikastolako ikasle izatea.

Eskaera egiteko unean baldintza horiek betetzen ez badira, eskatzaile bakoitzaren egoera banan-banan aztertuko da.

Era berean, jakinarazten da txartela duten eta datorren ikasturtean erabiliko duten pertsonek Udalean eguneratu beharko dutela. Txartela datorren ikasturtean erabiliko ez dutenek itzuli egin beharko dute. Erabiltzaile berriek Udalean egin beharko dute eskaera.

Lazkaoko Udalak aldez aurretik eskertzen du pertsona guztien laguntza eta edozein zalantza argitzeko edo kontsultarako prest geratzen da.