Lazkaoko Udalak jakinarazi nahi die herritarrei datorren ostegunean, uztailaren 18an, arratsaldeko 18:30etan, Ohiko Osoko Bilkura egingo dela. Bilera Udaletxean izango da eta honako gai hauek landuko dira eguneko gai zerrendan:

1. Aurreko aktaren onarpena (2024ko ekainaren 27koa).
2. Alkatetzaren Ebazpenen berri ematea.
3. Kreditu gehigarri bidezko 4 zenbakidun kreditu aldaketaren espedientearen onarpena.
4. Kreditu transferentzia bidezko 1 zenbakidun kreditu aldaketaren espedientearen berri ematea.
5. Kiroldegia handitzeko 5.1 faseko 1., 2. eta 3. azpifaseak burutzeko obren kontratuaren 4. aldaketa espedientearen onarpena.
6. Etxez Etxeko Laguntza zerbitzuaren kontratu esleipena.
7. Kirol-zerbitzuak esleitzeko kontratazio-espedientea eta lizitazio deialdia.
8. Hirigintza Antolamenduaren Plan Orokorra idazteko laguntza teknikoaren zerbitzuaren lizitazioa bertan behera uztea.
9. Hirigintza Antolamenduko Plan Orokor berria idazteko laguntza teknikoaren zerbitzuaren kontratazio espedientea eta lizitazio deialdia.
10. Lazkaoko Udal Plangintzako Arau Subsidiarioen osasun zentroaren eremuko aldaketa formulatzea eta dokumentua prestatzen hastea, eta herritarren partaidetzarako programa onartzea.
11. Sektore publikoaren zerbitzuko langileen ordainsari-igoera gehigarria, 2024. urterako.
12. Galdera eta erreguak.

Herritar guztiei dei egiten zaie bilkura honetan parte har dezaten.