- "Lazkao, Kirol Sariak" ekimenaren helburua kirolariek Lazkaon maila indibidualean zein kolektiboan egindako lorpenei eta egindako lanari aipamen eta errekonozimendu berezia ematea da. Gainera, sari hauen funtsezko alderdietako bat kirolaren inguruan lan egin duten boluntarioen eta herritarren lana nabarmentzea eta saritzea da, udalerriko kirol esparruari egindako ekarpen baliotsua aitortuz.
- Edozein pertsonak egin ahal izango ditu hautagai-zerrendak. Proposamenak aurkezteko epea uztailaren 23an irekiko da eta abuztuaren 31n amaituko da.
- Lazkaoko Udalak prestatutako galdetegiaren bidez aurkeztu ahal izango dira www.lazkao.eus web orrian (https://labur.eus/LazkaoKirolSariak2024) edo Udalean edo Joxemiel Barandiaran Kiroldegiko harreran.
Lazkaoko Udalak "Lazkao, Kirol Sariak" izeneko proiektua bat abiarazi du 2024an. Lazkaoko kirol arloan nabarmendu diren pertsona, talde eta erakundeen lorpenak eta egindako lana aintzatestea eta publikoki baloratzea du helburu ekimen honek. Kirol-merituak eta pertsonek eta erakundeek udalerrian kirola garatzeko egiten duten ekarpena nabarmendu nahi dira, beren esker ona formalki adieraziz.
Sariak ohorezkoak dira: urtero banatuko dira eta saridun bakoitzak oroigarri bat jasoko du.
Sari hauen banaketa urtero egingo da, San Migel jaien amaierarekin batera, saridun bakoitzari ohorezko oroigarri bat emateko ekitaldi publiko batean.
Proposamenak egiteko epea zabalik
Hautagai-zerrendak edozein pertsonak, erakundek edo balorazio-batzordeak berak egin ahal izango ditu. Lazkaoko Udalak prestatutako galdetegiaren bidez aurkeztu ahal izango dira www.lazkao.eus web orrian (https://labur.eus/LazkaoKirolSariak2024) edo Udalaren edo Joxemiel Barandiaran kiroldegiaren harreran, dagokion formularioa betez. Proposamenak aurkezteko epea uztailaren 23an irekiko da eta abuztuaren 31n amaituko da. Proposamenak arrazoitu egin beharko dira, merezimenduak eta lorpenak justifikatuz eta azalduz.
Balorazio Batzordeak aurkeztutako proposamenak aztertuko ditu eta baldintzak betetzen ez dituztenak baztertuko ditu. Merezimenduak nahikotzat jotzen ez badira, ez da saririk emango. Balorazio Batzordeak Gobernu Batzordeari aurkeztuko dio sarien zerrendaren proposamena, bakoitzaren merezimenduak adierazita. Gobernu Batzordeak onartuko du sarituen zerrenda.
Lazkaoko Udalak herritar guztiak gonbidatzen ditu ekimen honetan parte hartzera, kirol arloan nabarmendu direnak eta gure udalerrian kirola garatzen lagundu dutenak aitortzeko proposamenak aurkeztuz.
