Igande honetan XII. Basherri Eguna ospatuko da Lazkaon, bertako artisau eta ekoizleak herriko plaza nagusian batuko dituen eguna.

Jardunaldia goizeko 11:00etan hasiko da, azoka, artisau eta ganadu postuak eta herriko produktuak ikusi, dastatu eta erosteko aukera eskainiz. Gainera, San Benito Ikastolako ikasleek sagardoa eta pintxoak eskainiko dituzte guztientzat.

Azokari amaiera emateko 13:00etan bi saski eta  Lazkaoko baserrietan erosketak egiteko bonuak zozketatuko dira.

Goiz osoan zehar, Lazkao Txiki Musika Eskolako trikitilariak azokaren inguruan arituko dira goiza girotzen.

Udalak herritar zein bisitariak jaian parte-hartzera animatzen ditu.