• Kirol Batzordeak antolatutako ekitaldiak  kirolaren eremuan nabarmendu diren pertsona zein erakundeak, izandako lorpenak eta egindako lanak aintzatetsiko ditu.

Lazkaoko Udalak Kirol Sarien lehen edizioa ospatuko du ostiral honetan, azaroak 8, arratsaldeko 19:00etan Arerian. Kirol Batzordeko kide guztiekin elkarlanean antolatutako ekimen honek Lazkaon kirola garatzen eta sustatzen nabarmen lagundu duten pertsonak eta erakundeak omentzea du helburu.

Ospakizun honen helburu nagusia udalerriko kirol-komunitatean arrastoa utzi duten ahalegin, dedikazio eta lorpen indibidual zein kolektiboak aitortzea eta nabarmentzea da. Gainera, herrian kirol-jarduera sustatzeko etengabeko babesa eta konpromiso aparta erakutsi dutenak sarituko dira.

Sarien kategoriak:

• Lorpenen araberako banakako sariak 
• Taldekako lorpenen araberako sariak 
• Kirol-ibilbidearen saria
• Lazkaoko kirolaren alde modu aktiboan laguntzen duen erakundeen saria
• Lazkaoko kirolaren alde modu aktiboan lagundu duen pertsonen saria

Lazkaoko Udalak pertsona guztiak gonbidatzen ditu ekitaldi honetara joan daitezen eta kirola herriaren nortasunaren funtsezko parte izatea ahalbidetzen duten pertsonen ospakizun eta omenaldian parte hartzera.