Lazkaoko Udalak herritar guztiei jakinarazten die datorren ostegunean, abenduak 19, 18:30ean, Ohiko Osoko Bilkura egingo dela Udaletxeko Osoko Bilkuren Aretoan. Saioa irekita egongo da udal gaiak ezagutu eta horietan parte hartu nahi duten guztientzat.

Hona hemen Osoko Bilkurarako aurreikusitako gai-zerrenda:

1. Aurreko aktak irakurtzea eta, hala badagokio, onartzea (2024ko irailaren 26an, urriaren 17an eta 31n eta azaroaren 28an).
2. Alkatearen ebazpenen berri ematea.
3. 4. kreditua transferitzeagatik kreditua aldatzeko espedientearen berri ematea.
4. Lazkaoko Osasun Zentroaren Plan Berezia behin betiko onartzea.
5. Kiroldegia handitzeko 5.1 faseko 1., 2. eta 3. azpifaseetako obra-kontratua 5. aldiz aldatzeko espedientea onartzea.
6. Kiroldegiko 5.1 fasea handitzeko obraren 30. obra-ziurtagiria.
7. Gipuzkoako Foru Aldundiaren eta Lazkaoko Udalaren arteko hitzarmena luzatzea, etxez etxeko laguntza-zerbitzua finantzatzeko.
8. Galde-eskeak.

Herritar guztiei osoko bilkura honetara joateko eta bertan parte hartzeko deia egiten zaie.