• Irteera 08:30ean izango da, Itzala tabernatik, eta 13 km eta 160 metroko desnibela dituen ibilbideak 13:30ak aldera puntu berera itzultzea aurreikusten du.

2025eko urtarrilaren 26an, igandean, lazkaotarrek Amalur Mendi Elkarteak antolatutako "Lazkao-Idiazabal" mendi irteeraz gozatu ahal izango dute.

Irteera 08:30ean izango da, Itzala tabernatik, eta 13 km eta 160 metroko desnibela dituen ibilbideak 13:30ak aldera puntu berera itzultzea aurreikusten du.

Ibilbidea Itzalean hasiko da, eta handik Harizti-handirako bidea hartuko da. Arramendi baserriaren albotik igarota, Olaberrira iritsiko gara. Handik, Oiarbide baserrirako bidea hartuko da, Idiazabalen sartzeko. Santiago bidetik jarraituz, Santakutz basilikara iritsiko gara, eta, Artsuagaratseko galtzadatik, Gurutzetako basilikaraino. Uzkangako eliz bidetik jarraituz, Otezabal Azpira iritsiko gara. Idiazabalgo jaiez gozatu ondoren, itzulerako bideari ekingo zaio, oraingoan Olaberritik igaro gabe, eta Oiarbidetik Amoskategirantz jaitsiko da.

Parte hartu nahi dutenek urtarrilaren 24a baino lehen eman beharko dute izena, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbide elektronikora mezu bat bidaliz edo 688 60 11 86 telefono zenbakira deituz.

Lazkaoko Udalak herritar guztiak gonbidatzen ditu jarduera honekin bat egitera eta mendian kirol eta kultura jardunaldi batez gozatzera.