• Udalerriak kultur agenda zabala eskainiko du, Go! azen 11 gazte ikuskizuna eta Mikaela filmaren proiekzioa barne, otsailaren 15etik 17ra.

Lazkaoko Udalak datozen egunetarako kultur programazioa aurkeztu du, herritarrei zuzeneko musika, antzerki ikuskizuna eta ikusle guztientzako zine proiekzioa eskainiz.

Lazkaotarrek kultur agendaz gozatzeko aukera izango dute. Honela ba, agendako lehen ekitaldia otsailaren 14an hasiko da, 20:00etan, Eiderren kontzertuarekin, Arerian. Artista lazkaotarrak introspekzio eta eboluzio pertsonalez beteriko soinu-bidaia bat egingo du. 

Otsailaren 16an, arratsaldeko 16:30ean, gazteek GO!AZEN 11 telesail arrakastatsuaren ikuskizunaz gozatu ahal izango dute, dibertsioa eta emozioa eskainiz. Ekitaldiaren sarrerak jada agortuta daudela jakinarazten da. 

Era berean, zineak ere bere lekua izango du programazioan, MIKAELAren proiekzioarekin, honako sioetan eskainiko da:

• Otsailak 15, larunbata: 19:30 eta 22:00.
• Otsailak 16, igandea: 19:30.
• Otsailak 17, astelehena (Ikuslearen eguna): 19:30.

Eiderren emanaldirako sarrerak eta Mikaelaren proiekzioa www.lazkao.eus webgunean eta leihatilan daude eskuragarri.

Lazkaoko Udalak ekintza kultural hauetara bertaratzeko deia egiten die herritarrei.