• Obrek 35.000 euroko aurrekontua dute, eta Udalak eta Gipuzkoako Foru Aldundiak sustatutako hobekuntza planaren parte dira, prebentzioz jokatu eta segurtasuna bermatzeko.

Lazkaoko Udalak hiri azpiegitura eta segurtasuna hobetzen jarraitzen du, udalerrian hainbat urbanizazio obra eginez, 2024ko maiatzean bezalako egoeretan sotoetan eta etxabeetan uholdeek eragindako arazoak prebenitzeko, non metro koadroko 8 litro ur erregistratu ziren 10 minutuan. Gaur egun, esku-hartzeak egiten ari dira Mikelar, Santa Magdalena, Esparru, Zubierreka eta San Prudentzion, sotoetan eta etxabeetan uholdeak ekiditeko,hiri ingurunea optimizatzeko eta herritarrei zerbitzu hobea bermatzeko.

Gainera, Lazkaomenditik datozen euri-urak bideratzeko neurriak hartu dira, Iturgaitzaga eta Lazkaomendi arteko tartean arreta berezia jarriz. Ekintza hauek Maizpide euskaltegia eta Lazkao Txiki plazaren inguruan sortutako arazoak konpontzea dute helburu. Egindako lanekin, aurrerapauso handia eman da uholdeen prebentzioan, euri jasek gehien kaltetutako eremuetan.

Bestalde, Gipuzkoako Foru Aldundiko Errepide Departamentua obrak egiten ari da Olaberriarekin lotzen duen errepidean. Jarduketa horien helburu nagusia da errepideko euri-urak Sustraitz ibaira bideratzea, Lazkaoko kaleetara iristea saihesteko eta udalerrian ura pilatzeko arriskua murrizteko.

Obrek 35.000 euroko aurrekontua dute, eta Lazkaon bizi diren pertsona guztien segurtasuna eta ongizatea bermatzeko Udalak bultzatutako hobekuntza planaren parte dira.