• Udalak abian jarritako parte-hartze prozesuan, non 584 lazkaotarrek parte hartu duten, Lazkaoko Gazte Asanbladak 215 boto jaso ditu; Lazkao Kirol Elkartea izan da bigarren hiru boto gutxiagorekin, 212 bozkarekin. 

Lazkaoko Gazte Asanbladak emango die hasiera 2025eko San Prudentzio jaiei suziria jaurtiz. Udalak bultzatutako parte-hartze prozesuan, non 584 lazkaotarrek parte hartu duten, Lazkaoko Gazte Asanblada izan da bozka gehien jaso duen hautagaitza, 215 boto eskuratuta. Lazkao Kirol Elkartea izan da bigarren, 212 bozkarekin. Ondoren, “Zuregatik Adrian” (zendu berri den Adrian Gastesi, LKEko Lehendakaria) eta Zagupe izan dira hurrenez hurren.

Lazkaoko Gazte Asanblada gazteen aisialdia eta partehartzea bultzatzen diharduen taldea da, urtean zehar burutzen hainbat ekintza antolatuz eta Jai Batzordean parte hartuz. 

Lazkaoko Udalak Gazte Asanblada zoriondu du eta bozketan parte hartu duten herritar guztiei eskerrak eman dizkie. 

San Prudentzio 2025 jaiak apirilaren 25etik maiatzaren 1era ospatuko dira, eta Lazkaomendiko jaiak maiatzaren 2tik 4ra izango dira.

Udalak herritar guztiak gonbidatzen ditu jaietako hasiera-ekitaldian parte hartzera eta herriarentzat hain berezia den une hau elkarrekin gozatzera.