• Lazkaoko Udalak herritarrak Euskaraldian parte hartzera animatzen ditu, maiatzaren 15etik 25era egingo den ekimena euskararen erabilera sustatzeko. Aurten berrikuntzak eta hainbat jarduera izango dira herrian.

Lazkaok dagoeneko martxan jarri du Euskaraldia 2025 ekimenaren antolaketa, eta martxotik aurrera izena emateko epea irekiko dela jakinarazi du. Herritar guztiak gonbidatuta daude ekimen honetan parte hartzera, euskararen erabilera sustatzeko eta hizkuntza-ohiturak aldatzeko helburuarekin.

Euskaraldia ekimen herritarra da, euskaraz hitz egiteko eta ulertzeko gaitasuna dutenen arteko elkarrizketak bultzatzeko asmoa duena. Aurreko edizioetan izandako arrakastari esker, Euskaraldia euskaldunen arteko hizkuntza-praktiketan eragiteko tresna eraginkorra bihurtu da.

Aurreko urteetako Lazkaoko Euskaraldiko antolatzaileek herritar eta herriko eragileei dei egiten die gaur, otsailak 24, arratsaldeko 18:00etan Erakusketa Gelan egingo den bileran parte hartzera, Bertan, aurrera begira eman beharreko pausuak azalduko dira eta lan taldeak antolatu hauek aurrera eramateko.

Euskaraldia 2025 ekimenari buruzko informazio gehiago eskuratzeko eta izena emateko, bisitatu www.euskaraldia.eus webgunea.

Euskara gehiago, gehiagorekin eta gehiagotan! ‘Elkar mugituz egingo dugu!’