• Talde bakoitzean gehienez 30 haurrek parte hartu ahal izango dute. Aurrez hitzordua hartzea beharrezkoa da udal kiroldegian.

Larunbat honetan, martxoak 1, Udalak puzgarriak jarriko ditu Joxemiel Barandiaran udal kiroldegiko igerilekuan. Jarduera 16:30etik 18:30era izango da, bi txandatan:

• 16:30 – 17:30 - 2016 eta 2015ean jaiotakoak
• 17:30 – 18:30 - 2014, 2013 eta 2012an jaiotakoak

Talde bakoitzean gehienez 30 haurrek parte hartu ahal izango dute, eta igeri jakitea derrigorrezkoa izango da. Bi begiralek girotuko dute jarduera, hainbat joko prestatuz parte-hartzaileentzat.

Parte hartzeko, beharrezkoa da aurrez hitzordua hartzea. Kiroldegiko bazkideek lehentasuna izango dute otsailaren 26ra arte. Otsailaren 27tik aurrera, bazkide ez direnek ere sarrera eskuratu ahal izango dute kiroldegian.

Izena emateko, hitzordua har daiteke aplikazioaren bidez, ikastaroen atalean, edo kiroldegira deituta.