• Topaketa 18:00etan izango da Udaletxeko Osoko Bilkuren Aretoan, eta bertan jarduteko protokoloak eta prebentziorako materialak aurkeztuko dira, herritarrak jaietan indarkeria matxistaren aurkako borrokan inplikatzeko.
• Izen-ematea martxoaren 17ra arte egongo da zabalik, udaletxean bertan edo udalaren webgunean esteka honetan: https://forms.gle/NWT2iZ38EW4jWZn78.

Lazkaoko Udalak jaietan segurtasunarekin, berdintasunarekin eta errespetuarekin duen konpromisoa berresten du, herritar guztiei irekitako Aurkezpen Jardunaldia bultzatuz. Topaketa hau, bereziki ostalaritzari eta txosnen arduradunei zuzendua, prebentzio-protokoloak eta indarkeria matxistaren aurkako erantzun azkar, eraginkor eta koordinaturako baliabideak partekatzeko antolatu da.

Egunerokoan bezala, jai-giroan ere indarkeria edo jarrera matxistak gerta daitezke. Lazkaoko Udalak argi utzi nahi du horrelako jokabideek ez dutela tokirik herrian eta edozein kasuren aurrean irmotasunez jardungo dela. Horregatik, prebentziorako materialak eta jarduteko protokolo bat garatu dira, jai seguruak bermatzeko.

Aurkezpen Jardunaldia martxoaren 20an izango da, 18:00etan, Udaletxeko Osoko Bilkuren Aretoan. Bertan, indarkeria matxistaren aurkako prebentzio eta erantzun tresnak aurkeztuko dira, bai herritarrek bai jai-guneak kudeatzen dituzten pertsonek jarduteko prozedura egokiak ezagutu ditzaten.

Jardunaldian parte hartzeko, martxoaren 17a baino lehen izena eman beharko da, aurrez aurre udaletxean edo udalaren webgunearen bidez. Udalak herritar guztiak gonbidatzen ditu ekimen honetan aktiboki parte hartzera, bereziki jai-guneetan lan egiten duten pertsonek, guztion artean errespetuzko eta segurtasunezko giroa bermatzeko.

Informazio gehiago eskuratzeko, interesdunek Lazkaoko Udalera jo dezakete edo udalaren webgunea bisitatuz: https://forms.gle/NWT2iZ38EW4jWZn78.

Lazkao, indarkeria matxistarik gabeko jaiak lortzeko.