Kulturartekotasun Jaialdiaren bigarren edizioa antolatzeko lehen bilera egingo da martxoaren 14an, 15:00etan, San Benito Ikastolan. Herritar guztiei parte hartzeko deia egiten diegu, bai bilerara, bai jaialdian bertan aktiboki parte hartzera.

Kulturartekotasun Jaialdia udalerriko kultur aniztasuna ospatzeko ekitaldia da, Lazkaon 29 herrialde desberdinetako herritarrak elkarrekin bizi baitira. Ekimen honen helburua integrazioa eta elkarrekiko ezagutza sustatzea da, kultura- eta gastronomia-jardueren bidez.

Herritarren parte-hartzea funtsezkoa da jaialdia arrakastatsua izan dadin, eta guztion ekarpenak ongietorriak izango dira. Beraz, animatu eta etorri bilerara!