• Interesdunek martxoaren 21era bitarte eman dezakete izena, amalur.me@gmail. com helbide elektronikora mezu bat bidaliz edo 660 57 80 59 telefono zenbakira deituz.

Pagoeta mendia izango da Amalur Mendi Elkarteak natura eta mendizaleentzat antolatutako ibilaldi berriaren helmuga. Hitzordua igandean, martxoak 23, izango da eta goizeko 8: 00etan irtengo da Itzala tabernatik. Ibilbideak inguruko hainbat tontor ezagutzeko aukera emango du, paisaia ikusgarriak dituen ibilbide irisgarri batean.

Ibilbidea Aian hasiko da Pagoetako igoerarekin (676 metro), eta ondoren Urruztume (681 metro), Murugil (715 metro) eta Olarteta (713 metro) gailurrak igoko dira. Puntu horietara iritsita, jaitsierari ekingo zaio, Iturriotz bidearekin bat eginez, eta berriz ere Aian amaituko da. Lazkaora 13:00ak aldera itzultzea aurreikusten da.

Izena emateko epea martxoaren 21era arte egongo da zabalik. Parte hartu nahi dutenek izena eman dezakete mezu elektroniko bat bidaliz Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera edo 660 57 80 59 zenbakira deituz.