• Trafiko mozketa GI-2120 (Saihesbidea) errepidean Beasain eta Ordizia artean  izango da, 16:30etatik aurrera. Halaber, Lazkaomendiko errepidean ezin izango da aparkatu, txirrindulariak pasatzen diren bitartean, segurtasuna bermatzeko.

2025eko Euskal Herriko Itzulia dela eta, datorren asteazkenean, apirilak 9, txirrindulariak Lazkaoko errepideetatik igaroko dira. Tropela Lazkaomenditik Saihesbidearen biribilguneraino (GI-2120) jaitsiko da, eta Beasainerako bidea jarraituko du, azken helmuga bertan izango delarik.

Txirrindularien eta herritarren segurtasuna bermatzeko, trafikoa moztuko da GI-2120 errepidean (saihesbidea), Beasain eta Ordizia artean, 16:30etik aurrera. Lazkaotik sartu edo irten behar dutenek Olaberriako bidea erabili beharko dute.

Gainera, Lazkaomendiko jaitsierako errepidean ezin izango da aparkatu, izan ere, txirrindulariak bide horretatik ibiliko baitira helmugara bidean. Neurri honen helburua gertakariak saihestea eta parte-hartzaileen segurtasuna bermatzea da.

Lazkaoko Udalak herritarren kolaborazioa eskatzen du trafiko jarraibideak errespetatuz, kirol ekitaldiaren garapena errazteko eta baita herritarren zein txirrindularien segurtasuna bermatzeko.