• Taldeak 20:15ean joko du herriko plazan, eta bertan ITER (2025) izena duen lehen diskoa aurkeztuko du. Lan honek estilo askotarikoak uztartzen ditu eta askatasunaren nahiz hazkunde pertsonalaren inguruko mezua helaraziz.

The Soulanders musika taldea, kide lazkaotarrak barne dituen gipuzkoar taldea da eta bere lehen diskoa kaleratu berri du, ITER (2025) izenekoa. Lan honek taldearen espiritu bidaiaria jasotzen du eta estilo eta emozio ezberdinen artean egindako ibilbide musikal bat proposatzen du .Letrek askatasunaz, maitasunaz eta hazkunde pertsonalaz hitz egiten dute, eta euskaraz, gaztelaniaz, ingelesez zein portugesez abestuta daude.

Diskoa dagoeneko salgai dago Lazkaoko Herriko tabernan eta Ekilore belar-dendan, baita Olaberriko Zezilioenea jatetxean eta Tolosako Iparra tabernan ere. Horrez gain, sare sozialen bidez ere eska daiteke, musika hori entzun nahi duten guztiek erraz eskuratzeko aukera izan dezaten.

Lazkaoko jaietan taldearen zuzeneko emanaldi zirraragarriaz gozatzeko aukera izango da apirilaren 27an, 20:15ean, herriko plazan. Jazza, bluesa, reggaea, popa edo samba generoak uztartzen dituen errepertorioarekin, eta eszenaratze hurbil eta kementsuarekin, taldeak emanaldi ahaztezina eta publiko guztiarentzat irekia agintzen du. Beste 3 herriko talderekin batera joko dute: 

• 19:00 Metodo Ripley 
• 20:15 The Soulanders 
• 22:00 Local 5bis 
• 23:30 Distorted Bass

Udalak herritarrei bertaratzeko gonbita luzatzen die taldeen emanaldiez gozatzeko.