• Programak musika eta dantza ekitaldiak eskainiko ditu, kontzertuak, ikuskizunak eta dantzari topaketak barne; kirola eta natura uztartuko ditu mendi-irteerekin, eskola-triatloiarekin, txirrindularitza probekin, rallyarekin eta Donosti Cup txapelketarekin; eta, era berean, ospakizunak izango dira, hala nola Euskaraldia, haur-jarduerak eta San Juan su tradizionala.

Aurten, Lazkaok jarduera ugari eskainiko dizkie herritarrei maiatzean, ekainean eta uztailean, adin guztientzako aukera anitzekin eta kulturaren, kirolaren, musikaren, tradizioen eta aire zabaleko aisialdiaren arteko uztarketa eskainiz. Udalak, horren bidez, herritarren ongizatea eta parte-hartzea sustatzeko duen konpromisoa berresten du.

Maiatzean, herria biziko da Dantzari Gazteen Topaketarekin hilaren 9an, eta Lazkao Txiki Musika Eskolako Musika Astearekin, maiatzaren 12tik 16ra ospatuko dena. Maiatzaren 15ean, Euskaraldia hasiko da, hilaren 25era arte luzatuko dena, eta egun horretan bertan izango dira Treba Gurasoak: Harreman Osasuntsuak Lagun Artean hitzaldia eta Mendi Irteera: Iturmendi – Santa Marina ere. Hilabete amaiera aldera, maiatzaren 28an, Treba Nerabeak: Ongizate Emozionala. Oinarrizko Ikastaroa eskainiko da, eta asteburuan, maiatzaren 31tik ekainaren 1era, Mendi Irteera Asteburua: Europako Mendiak egingo da. Gainera, maiatzaren 31n ospatuko da Txirrindulari Lasterketa Nazioarteko Klasika Gipuzkoa Junior Mailan.

Ekainan, eskaintza zabaltzen jarraituko du. Ekainaren 4an ospatuko da Treba Nerabeak: Ongizate Emozionala. Kuadrillen Saltxak, eta ekainaren 7an udal igerilekuen irekiera eta Eskolaumeen Triatloia izango dira. Ondoren, ekainaren 8an, Dantzari Txikien Eguna ospatuko da. Kirol zaleek VII. Goilurrak Rallya izango dute ekainaren 13 eta 14an, eta ekainaren 14an bertan Berdintasunaren Aldeko Futbol Txapelketa Infantil Mailan egingo da. Ekainaren 15ean, mendizaleek Mendi Irteera: Amezketa – Arritzaga egingo dute, eta ekainaren 17an ospatuko da Lazkao Txiki Musika Eskolako Diploma Banaketa. Musikaz gozatzeko aukera izango da ekainaren 19an Lazkaoko Musika Bandaren kontzertuarekin. Horrez gain, ekainaren 21ean Zagupe Astialdi Taldeak antolatutako jolasak izango dira, eta ekainaren 22an Mendi Irteera: Lazkao – Orio egingo da. Hilabetea San Juan su tradizionalarekin amaituko da ekainaren 23an.

Uztailean, egitarauak bizi jarraituko du. Hilabeteko lehen ekintza Uztailaren 3an burutuko da Ur Parkea eginez. Uztailaren 6an Mendi Irteera: Zerain – Larraondo egingo da. kirol ekintzekin jarraituko da uztailaren 7tik 13ra bitartean Donosti Cup futbol txapelketa jokatuz. Halaber, ikusleen gozamenerako Imperial de Guanajuato taldearen ikuskizuna eskainiko da uztailaren 8an. Uztailaren 18an Fernando Velasco Magaldiren eskutik Esklerosi Anizkoitzaren Aldeko Lasterketa Solidarioa burutuko da, 50 kilometroko ibilbidea izango duena. Uztailaren 20an amaituko da udako egitaraua Mendi Irteera: Zumaia – Deba eginez.

Udalak herritar guztiak animatzen ditu udako jarduera-programako ekitaldietan parte hartzera, elkarbizitzarako eta gozamenerako aukera gisa.

Jardueren ordutegi eta xehetasun gehiago ezagutzeko, gomendatzen da udalaren webgunea bisitatzea: www.lazkao.eus.