• Maiatzaren 15etik 25era egingo den Euskaraldian izena emateko epea zabalik dago https://izenematea.euskaraldia.eus webgunean, eta Lazkaoko Udalak herritarrak zein erakundeak parte hartzera gonbidatu ditu, hizkuntza-ohiturak eraldatzeko ekimenean.

Lazkaoko Udalak Euskaraldian parte hartuko du laugarren aldiz, eta jada izena eman du erakunde gisa. Aurtengo edizioa berezia izango da, lehen aldiz udaberrian egingo baita, maiatzaren 15etik 25era. Ekimen honen helburu nagusia herritarren hizkuntza-praktikak sustatzea eta euskararen erabilera handitzea eguneroko bizitzan handitzea da .

Parte hartzeko izen-ematea oraindik zabalik dago. Udaletik dei egiten zaie bai lazkaotarrei bai herriko erakundeei ekimen honekin bat egin dezaten, gogoratuz norberaren hizkuntza-ohiturak aldatzeak ingurunean ere eragina duela eta euskararen erabilera bultzatzeko ekarpen garrantzitsua izan daitekeela Lazkaon.

Ekimenean parte hartzeko bi rol daude aukeran:

• Ahobizi: Euskaraz ulertzen duten guztiekin beti euskaraz hitz egiten saiatuko dira, baita ezezagunekin lehen hitza euskaraz eginez ere.
• Belarriprest: Euskaraz ulertzen dutenek noiz eta norekin egin erabakiko dute, baina euskaraz dakitenei euskaraz aritzeko eskatuko diete.

Parte hartu nahi dutenek izena eman dezakete esteka honen bidez: https://izenematea.euskaraldia.eus

Lazkaoko Udalak herritarrak hizkuntza-ohiturak aldatzea helburu duen ariketa kolektibo honetan aktiboki inplikatzera gonbidatzen ditu.

Elkar mugitu dezagun!