• Programak bi saio eskainiko ditu, “Ongizate emozionala. Oinarrizko ikastaroa” maiatzaren 28an eta “Ongizate emozionala. Kuadrilen saltxak” ekainaren 4an, biak 17:30etik 19:30era Lazkaoko Udaletxeko bigarren solairuan.
• Izena emateko epea bihar, maiatzak 16, arte dago zabalik, udalaren webgunean dagoen inprimakia betez, www.lazkao.eus-en.

Datorren ostiralean, maiatzak 16, amaituko da “TREBA NERABEAK” programan izena emateko epea. Programa hau 12 eta 16 urte bitarteko gazteei zuzenduta dago, eta haien ongizate emozionala eta garapen pertsonala sustatzea du helburu.

Lazkaoko Udala, Gipuzkoako Foru Aldundiarekin eta San Benito Ikastolarekin elkarlanean, arduratu da ekimen hau abian jartzeaz. Helburua gazteei autoezagutza, autoestimua eta adimen emozionala lantzeko baliabideak eskaintzea da, euren bizi-kalitatea hobetzeko eta harreman osasuntsuak eraikitzeko tresnak emanez.

Bi saio aurreikusi dira Udaletxeko bigarren solairuan, 17:30etik 19:30era. Lehenengoa, “Ongizate emozionala. Oinarrizko ikastaroa”, maiatzaren 28an izango da, Leire Urra eta Carol Palacio adituen eskutik. Bigarrena, “Ongizate emozionala. Kuadrilen saltxak”, ekainaren 4an egingo da, Beñat Benítez hizlari izango delarik.

Interesdunek bihar, maiatzak 16, arte dute izena emateko aukera udaleko webgunean, www.lazkao.eus.

Lazkaoko Udalak gazteen parte-hartzea sustatu nahi du, eta familiak ekimen baliotsu honetan parte hartzera gonbidatzen ditu, gazteen ongizate integrala eta garapen soziala indartzeko estrategiaren baitan.