• Interesdunek denboraldiko abonua edo egun baterako sarrera erosi ahal izango dute Joxemiel Barandiaran Kiroldegiko harreran.

Ekainaren 7an, larunbata honetan, Lazkaok ongietorria emango dio udari bere igerileku estaligabeen irekierarekin. Urtero bezala, bizilagunek eta bisitariek aire libreko instalazioaz gozatu ahal izango dute, dagoeneko esperientzia seguru, eroso eta freskagarri bat eskaintzeko prest dagoena.

Egun horretan, gainera, Antzar Korrikalari Taldeak antolatuta, eskolaumeen triatloia gauzatuko da barruko igerileku berrian zein estaligabean. 

Azken asteetan hainbat prestaketa-lan burutu dira: igerilekuak hustu, garbitu eta berriz bete dira, berdegunea egokitu da, aldagelak margotu dira eta instalazioetan zenbait konponketa txiki egin dira. Horrez gain, beharrezko segurtasun-neurri eta osasun-protokolo guztiak ezarri dira erabiltzaileen ongizatea bermatzeko.

Interesdunek denboraldiko abonua edo egun baterako sarrera erosi ahal izango dute Joxemiel Barandiaran Kiroldegiko harreran.

Lazkaoko Udalak udako denboraldi dibertigarria eta segurua izatea opa die herritar guztiei estaligabeko igerilekuetan gozatuz.