• Atzo, ekainaren 23an, hasi zen, familien harrera beroarekin. Goizeko aisialdi zerbitzuak 188 izen-emate jaso ditu, zerbitzua sendotuz.

Lazkaoko haur eta gazteei zuzendutako udako aisialdi zerbitzua martxan da jada Lazkaon. Jarduerak atzo, ekainak 23, hasi ziren, eta herritarren erantzuna oso baikorra izan da.

Herritarren artean gehien eskatzen den zerbitzuetako bat da goizeko aisialdi programa, egunero jolasak eta jarduera hezigarriak eskaintzen dituena ingurune seguru eta aberasgarri batean. Aurten, 188 izen-emate jaso dira bi txandatan banatuta: 82 lagun 9:00etako txandan eta 106 lagun 10:00etakoan. Datu horiek iazkoekin alderatuta gorakada txiki bat erakusten dute, eta zerbitzua finkatuta dagoela eta familia lazkaotarren interesa hazten ari dela baieztatzen dute.

Lazkaoko Udalak parte-hartze datuak oso positiboki baloratzen ditu eta lanean jarraitzen du haur eta gazteentzako kalitatezko espazio seguru eta inklusiboak eskaintzeko, non uda aberasgarri batez goza dezaketen, esperientziak partekatuz eta hazteko zein gozatzeko uneak biziz.