• Ekintza hau 2025eko Aurrekontu Partehartzaileen prozesuan jasotako eskari baten erantzuna da, 19.500 euroko inbertsioarekin.

Lazkaoko Udalak lau trafiko kamera instalatu ditu herriko sarrera eta irteera desberdinetan. Ekintza hau 2025eko Aurrekontu Partehartzaileen prozesuan jasotako eskaeratik abiatuta gauzatu da.

Instalatu diren kamerak azken teknologiakoak izango dira, matrikula irakurgailuekin eta irudiak hartzeko berezko kalitate handiarekin. 19.500 euroko inbertsioarekin, Lazkaoko Udalak herriko segurtasuna eta ikuskapena hobetzeko pauso garrantzitsua eman du, eta herrira sartzen diren ibilgailuen kontrol zorrotzagoa ahalbidetuko du.

Kamerak instalatzeak bide-segurtasuna hobetuko du, arau-hausteak monitorizatuz, gertakarietan edo delituetan nahastutako ibilgailuak identifikatzeko zaintza indartuz eta herritarrak gehiago babestuz. Gainera, kamerek disuasio gisa balioko dute legez kanpoko portaeren aurrean, polizia baliabideak optimizatuko dituzte eta egoera berezietako trafikoaren kudeaketa erraztuko dute, Lazkaoko segurtasuna eta mugikortasuna hobetzeko.

Neurri hau herriko segurtasuna eta babesa hobetzeko etengabeko ahaleginaren parte da, kasu honetan, gainera, herritarren eskariari erantzunaz hartua.