• Zinema-saioen artean, Romería filma, helduentzako zuzendua, eta haurrentzako Los Futbolísimos 2: El misterio del hombre pirata nabarmentzen dira. Eskaintza kulturala osatzeko, David Gilmour-en kontzertuaren proiekzio berezia eskainiko da, Erromako Circo Maximoan grabatua.

Aste honetan, Areria Aretoa izango da kultur jardueren eszenatokia, publiko guztientzako hainbat proposamenekin. Antolatutako jardueren artean zinema saioak eta musika emanaldia izango dira protagonista.

Zinemari dagokionez, Romería filma izango da helduei zuzendutako proposamena. Saioak larunbatean, irailaren 20an, eta igandean, hilaren 21ean, izango dira 19:30ean. Astelehenean, hilaren 22an, bi saio berezi eskainiko dira, 19:00etan eta 21:00etan, Ikuslearen Egunarekin bat eginez.

Txikiek ere zinemaz gozatzeko aukera izango dute Los Futbolísimos 2: El misterio del hombre pirata filmarekin. Abentura eta adiskidetasunez beteriko istorio dibertigarri hau larunbatean eta igandean ikusi ahal izango da, 17:00etan. 

Asteko kultur eskaintza musika emanaldi berezi batekin osatuko da. David Gilmour-en kontzertuaren proiekzioa, Erromako Circo Maximoan grabatua, larunbatean izango da, 22:00etan. Emanaldi berezi honek rock zaleentzako hitzordu aparta izango da.

Lazkaoko Udalak herritarrak eta bisitariak Areria Areatora hurbiltzera gonbidatzen ditu, jarduera hauez gozatzera.