Lazkaoko Udalak irmoki gaitzetsi ditu abenduaren 7tik 8rako gauean herrian gertatutako ekintza bandalikoak: hainbat zabor edukiontzi erre eta frontoiaren atzean pintada bat egin izana. Udalak erabat onartezintzat jotzen ditu ekintza horiek, espazio publikoarekiko erabateko errespetu falta agerian utziz eta lazkaotarren bizikidetza eta ongizatea hondatuz.

Udalak dagoeneko beharrezko neurriak hartu ditu eragindako kalteak garbitu eta konpontzeko. Gainera, agintari eskudunekin lankidetzan ari da gertakari horien erantzuleak identifikatzeko eta zigortzeko. Udalak segurtasunarekin eta errespetuarekin duen konpromiso irmoa berretsi du, eta herritarren laguntza eskatu du etorkizunean horrelako gertaerak berriro gerta ez daitezen.