- Miniatura bakoitzaren prezioa 20 eurokoa da eta bikotearena 40 eurokoa eta Udaletxean edo esteka honen bidez eskuratu daitezke: olentzeroa.com/categoria-producto/gigantes/lazkao.
Joan den azaroan Mari eta Basajaun erraldoien miniaturak salgai jarri ziren, Lazkaoko Udalak Konpartsarekin batera bultzatutako 150 bikoteko edizio mugatuan. Irudiak gomaz eginak dira eta haurrei zein bildumazaleei zuzenduta daude; helburua da tokiko tradizioak udalerriko etxeetara hurbiltzea.
Ale gehienak dagoeneko saldu dira, eta gaur egun azken unitateak baino ez dira geratzen. Miniaturazko irudi bakoitzaren prezioa 20 eurokoa da, eta bikotearena (Mari eta Basajaun) 40 eurokoa. Interesdunek figurak Udaletxean edo esteka honetan dituzte eskuragarri: https://www.olentzeroa.com/categoria-producto/gigantes/lazkao/.
Lazkaoko Udalak oraindik aukera hori baliatu ez duten herritarrak animatu nahi ditu, figurak agortu baino lehen.
