Hotz handia dela eta, gaur, urtarrilak 5ean, ospatuko den Errege Magoen Kabalgatak aldaketa txiki bat izango du bere ibilbidean. Aurrez aurreko egitarauan Lazkao Txiki plazan bukatzekoa bazen ere, azken geldialdia Lazkaoko Kiroldegian egingo da.

Helburu nagusia umeen eta herritarren ongizatea bermatzea da, eta tenperatura baxuak kontuan hartuta, Kiroldegia espazio egokiagoa eta erosoagoa izango da amaierako ekitaldirako.

Kabalgataren amaieran, Kiroldegian, haurrek Errege Magoekin egoteko eta haiekin une magiko bat partekatzeko aukera izango dute.