• Interesdunek urtarrilaren 26ra arte aurkeztu ahal izango dute eskaera, Udaletxean bertan edo erregistro elektronikoaren bidez.
• Lursailetako bat eskuratzeko, Lazkaon erroldatuta egotea, beste baratzerik edo laborantzarako lur egokirik ez izatea eta Udalarekin ordainketak egunean izatea beharrezkoa da.

Lazkaoko Udalak eskaerak aurkezteko epea zabaldu du herriko baratze publikoetan libre geratu diren bi lursail erabiltzeko. Lursail horiek aurreko esleipen-prozesuaren ondoren gelditu dira hutsik, eta interesa dutenek urtarrilaren 26ra arte izango dute eskabidea egiteko aukera.

Eskaerak aurkeztu ahal izango dira aurrez aurre Udaletxean edo udalaren webgunean eskuragarri dagoen erregistro elektronikoaren bidez. Ekimen honen bidez, herritarren parte-hartzea sustatu nahi da ingurumenaren zaintzan, bizimodu osasungarriaren aldeko jardueretan eta laborantza jasangarrian.

Lursailak eskuratzeko baldintzak

Lursail horietako bat erabiltzeko aukera izateko, ondorengo baldintzak bete behar dira:

• Lazkaon erroldatuta egotea.
  
  
• Laborantza-lanak egiteko gaitasun fisikoa izatea.
  
  
• Lazkaoko Udalarekin dituen zergen eta bestelako betebeharren ordainketak egunean izatea.
  
  
• Familiako inork ez izatea beste baratze publiko baten erabiltzaile.
  
  
• Ez eskatzaileak ez eta bere familia-unitateko inork ere ez izatea laborantzarako egokiak diren lur-sailik, jabetzan, alokairuan edo usufruktuan.

Edozein zalantza argitzeko edo informazio gehigarria eskatzeko, herritarrek Lazkaoko Udalarekin harremanetan jar daitezke posta elektronikoz (Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.), telefonoz (943 08 80 80) edo Udaletxera bertaratuta.