• Ibilaldia 08:30ean hasiko da Itzala tabernatik abiatuta, eta handik Harizti-handirantz joko da. Olaberria zeharkatu ondoren, Oiarbide baserriaren bidez iritsiko da Idiazabalera. Idiazabalgo jai giroaz gozatu ostean, buelta ere oinez egingo da, Amoskategi baserritik jaitsiz eta Olaberria saihestuta, guztira 13 kilometroko ibilbidea osatuz. Lazkaora itzulera 13:30ak aldera aurreikusten da.

Datorren igandean, urtarrilaren 25ean, Amalur Mendi Elkarteak mendi-irteera antolatu du Idiazabal aldera, Goierriko eskualdean. Jarduera Lazkaotik oinez egingo da, guztira 13 kilometroko ibilbidearekin eta 160 metroko desnibel positiboarekin.

Irteera 08:30ean izango da Itzala tabernatik. Handik, taldea Harizti-handirantz joango da, gero Aierdi baserrirako bidea hartuz eta Garitain baserritik pasatuz Olaberriaraino. Ibilbideak Oiarbide baserrirantz jarraituko du, eta puntu horretan sartuko dira jada Idiazabalgo udalerrian.

Ibilbideak Santiago bideari jarraituko dio, Santakutz basilikatik igaroz, eta handik Artsuagaratseko galtzadatik Gurutzetako basilikara iritsi arte. Martxak Uzkangako elizbidetik jarraituko du Otezabal Azpiraino.

Behin Idiazabalen, parte-hartzaileek herriko jaiez gozatu ahal izango dute. Jaietako etenaldiaren ondoren, Lazkaora oinez itzultzeko bideari ekingo zaio, oraingoan beste ibilbide batetik: Oiarbidetik Amoskategi baserrirantz jaitsiko dira, Olaberriatik igaro gabe.

Lazkaora itzultzea 13:30ak aldera aurreikusten da.

Izena emateko, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera mezua idatziz edo 688 60 11 86 telefono zenbakira deituz.

Lazkaoko Udalak jarduera honekin bat egiteko gonbita luzatzen die herritarrei, naturaz eta mendiaz konpainia onean gozatzeko.