• Interesdunek Udalaren harreran egin dezakete izen-ematea edo www.lazkao.eus-en erregistro elektronikoaren bidez. Postuak esleitzeko zozketa apirilaren 10ean eguerdiko 12:00etan egingo da.

Datorren martxoaren 31n amaituko da San Prudentzio jaietan janari zein bestelako postuak ezartzeko izena emateko epea. Interesdunek Udalaren harreran egin beharko dute eskabidea edo www.lazkao.eus-en erregistro elektronikoaren bidez.

Behin epea itxita, apirilaren 10ean eguerdiko 12:00etan zozketa publiko bat egingo da postuak modu ekitatiboan esleitzeko.

Edozein zalantza argitzeko edo informazio gehiago jasotzeko, Udalarekin harremanetan jar daiteke 943 08 80 80 zenbakira deituz.