• Musika Astea 2026 izango da aste honetako kultur programazioaren ardatz nagusietako bat, Lazkao Musika Eskolako ikasle eta musika taldeen entzunaldi eta emanaldiekin herriko hainbat gunetan. Kultur agenda osatzeko, “Liburuak eta Musika” ekimenaren edizio berria egingo da Beneditarren Fundazioan, eta zinema saio bereziak eskainiko dira Areria Aretoan; bertan, “Los legendarios” haurrentzako filma eta helduentzako “La isla de Amrum” izango dira ikusgai.

Aste honetan lazkaotarrek musika, zinema eta kultur jarduerak ardatz dituen kultur agendaz gozatzeko aukera izango dute. Programatutako proposamenen artean nabarmentzekoak dira Musika Astea 2026, “Liburuak eta Musika” ekimenaren edizio berria eta Areria Aretoan egingo diren ohiko zinema saioak.

Atzo astelehenean eman zitzaion hasiera Musika Asteari, eta aste osoan zehar jarraituko du Lazkao Txiki Musika Eskolako ikasle eta taldeen entzunaldi eta emanaldiekin herriko hainbat gunetan. Gaur, maiatzaren 12an, asteartea, piano eta haize instrumentuen entzunaldiak izango dira 17:00etan Kultur Etxean; ondoren, gitarra emanaldia eskainiko da 17:30ean Arerian, eta eguneko egitaraua hari eta haize instrumentuen entzunaldiarekin osatuko da 18:30ean Kultur Etxean. Asteazkenean, hilak 13, kantuak, trikitixak eta panderoak hartuko dute protagonismoa, piano eta musikoterapiako ikasleen emanaldiekin batera. Ostegunean, hilak 14, piano entzunaldi berri bat eta talde instrumentalaren emanaldia izango dira. Musika Asteari amaiera emango diote Konboko taldeek ostiralean, maiatzaren 15ean, 17:00etan Frontoian egingo duten emanaldiekin. 

Halaber, maiatzaren 16an, larunbata, “Liburuak eta Musika” ekimenaren edizio berria egingo da Beneditarren Fundazioan, 10:30etik 13:00etara. “Nortzuk eta nola asmatu zituzten liburuak?” izenburupean, jarduerak liburutegira bisita gidatua, hitzaldia eta zuzeneko musika uztartuko ditu. Proposamenean Luis Barrios gidoiaren eta hitzaldiaren arduradunak, eta Mario Telenti musika moldaketen eta pianoaren arduradunak parte hartuko dute. Saioan zehar, liburuaren historian barrena ibilbidea egingo da, buztinezko oholtxoetatik artista-libururaino, garaiko material eta musikekin lagunduta.

Zinemari dagokionez, Areria haur eta helduentzat  Aretoak saioak eskainiko ditu asteburuan. “Los legendarios” haurrentzako filma maiatzaren 16an, larunbata, eta 17an, igandea, eskainiko da 17:00etan. Bestalde, helduentzako “La isla de Amrum” filma, benetako gertaeretan oinarritua eta “zinemarako bidaiariak” kanpainariatxikia (deskontua leihatilan), maiatzaren 16an, larunbata, 19:30ean eta 22:00etan; maiatzaren 17an, igandea, 19:30ean; eta maiatzaren 18an, astelehena, 19:00etan eta 21:00etan izango da ikusgai.

Udalak herritarrei egun hauetan programatutako kultur jardueretan parte hartzera gonbidatzen die eta haietaz gozatzera gonbidatzen die.