• Lazkaoko anbulatorio berriaren obrak aurrera doaz eraikin zaharra eraitsi eta hondakinak kendu ondoren. Datozen asteetan hasiko dira zentro berriaren eraikuntza-lanak. Inbertsioa 3 milioi eurokoa izango da, eta 18 hilabeteko exekuzio-epea aurreikusten da. 

Lazkaoko anbulatorio berriko obrak erritmo onean doaz aurrera. Azken egunotan eraikin zaharra eraitsi eta hondakinak kentzen ari dira. Datozen asteetan hasiko da eraikin berria eraikitzen. Proiektu honek Osasun Sailak eta Lazkaoko Udalak udalerriko osasun azpiegiturak modernizatzeko eta hobetzeko duten konpromisoa adierazten du. Gutxi gorabehera 3 milioi euroko inbertsioa eta 18 hilabeteko exekuzio-epea aurreikusten dira.

Etorkizuneko anbulatorioak egungo osasun-arretarako azalera hirukoiztuko du, Lazkaoko egungo eta etorkizuneko beharrei erantzuteko, eta administrazio-eremua, lehen mailako arreta familia-medikuntzarekin eta pediatriarekin, emakumearen arreta, Osakidetzako langileentzako guneak, 15 kontsulta inguru eta hainbat laguntza-gela, horien artean sendaketa, ekografia, erauzketak, larrialdiak, edoskitzea, erditzea prestatzea eta fisioterapia barne hartuko ditu.

Lazkaoko Udalak azpimarratu du proiektu hau salto kualitatiboa izango dela herritarrentzako arretan, irisgarritasuna eta zerbitzuaren kalitatea hobetuz, eta neurri egokiak hartuko dira obrak egiteak herritarrei eragin diezazkiekeen eragozpenak minimizatzeko.