• Aho Lehor Fest VI jaialdian Taqbir, The Prize, Sick Shooters, Orsini eta Barrrk taularatuko dira urriaren 10ean, larunbatean, eta egun berean Euskal-Nafar Rally Historikoa ere izango da herrian zehar. Zinema eskaintzan, Verity. La sombra del engaño helduentzat eta Dino Familia, euskaraz, haurrentzat izango dira ikusgai.

Aste honetan, Lazkaoko kultur agenda musikaren, motor munduaren eta zinemaren bueltan antolatuko da, adin guztietako publikoarentzako proposamenekin.

Urriaren 10ean, larunbatean, 17:30etan, Euskal-Nafar Rally Historikoaren 27. edizioa pasako da, Lazkaoko kaleetan barrena. Egun berean, 19:00etatik aurrera, Skate Parkean Aho Lehor Fest VI izango da, Taqbir, The Prize, Sick Shooters, Orsini eta Barrrk taldeen emanaldiekin. Sarrera doakoa izango da. Ondoren, egitarauak Malantza Tabernan jarraituko du, Rocky Violencia & Esnupi DJen saioarekin.

Egitaraua zinema emanaldiekin osatuko da. Helduentzako, Verity. La sombra del engaño filma emango dute urriaren 10ean, larunbatean, 19:30ean eta 22:00etan; urriaren 11n, igandean, 19:30ean; urriaren 12an, astelehenean, 19:30ean; eta urriaren 13an, asteartean, 18:30ean eta 21:00etan. Haurrek, berriz, Dino Familia filmaz gozatzeko aukera izango dute, euskaraz, urriaren 10ean eta 11n, larunbatean eta igandean, 17:00etan.

Lazkaoko Udalak herritarrak egun hauetarako antolatutako proposamenetan parte hartzera eta kultur egitarauaz gozatzera gonbidatu ditu.