• Jarduketek konponketa-, mantentze-, margotze- eta egokitze-lanak hartu dituzte barne, herriko haur-parkeak kontserbatzeko urte anitzeko planaren barruan.

Lazkaoko Udalak Hirigoien eta Jose Lasa haur-parkeetan hainbat mantentze- eta egokitze-lan burutu ditu.

Egindako lanen artean, hainbat jolas-elementu berrikusi, konpondu eta mantendu dira, eta, horrez gain, margotze- eta egokitze-lan orokorrak egin dira bi guneetan. Jose Lasa parkean lanek jarraipena izango dute datozen hilabeteetan kautxozko lur berriaren ezarpena dela eta. 

Hirigoien eta Jose Lasa parkeetan egindako lanak herriko haur-parkeak mantentzeko urte anitzeko planaren barruan daude. Plan horren bidez, udalerriko jolasguneetan beharrezkoak diren kontserbazio- eta mantentze-jarduketak modu mailakatuan antolatzen dira.

Udalak, beraz, mantentze-programaren baitan aurreikusitako jarduketak egiten jarraituko du, haur-parke bakoitzean antzematen diren beharrei erantzunez.