• Bilkura 18:30ean izango da Udaletxeko Areto Nagusian.

Lazkaoko Udalak Ohiko Osoko Bilkura egingo du ostegunean, urriaren 29an, arratsaldeko 18:30ean, Udaletxeko Osoko Bilkuren Aretoan. Saioa herritar guztientzat irekita egongo da.

Osoko Bilkurarako Gai Zerrenda honako hau da:

1. Aurreko aktak onartzea (2026ko irailaren 24koa eta urriaren 15ekoa).
2. Alkatetzaren Ebazpenen berri ematea.
3. Kreditu gehigarri bidezko 4. zenbakidun kreditu-aldaketaren espedientearen berri ematea.
4. Kreditu-txertaketa bidezko 1. zenbakidun kreditu-aldaketaren espedientearen berri ematea.
5. Kreditu-txertaketa bidezko 2. zenbakidun kreditu-aldaketaren espedientearen berri ematea.
6. PR1 eta PR2 lurzatien Xehetasun Azterketaren jendaurreko erakustaldi-aldian aurkeztutako alegazioak ebaztea.
7. PR1 eta PR2 lurzatien Xehetasun Azterketari behin betiko onespena ematea.
8. Etxeko Laguntza Zerbitzua finantzatzeko Gipuzkoako Foru Aldundiaren eta Lazkaoko Udalaren arteko hitzarmena luzatzea.
9. Lazkaoko EAJ-PNV udal taldearen adierazpena, azaroaren 25ean ospatzen den Emakumeen Aurkako Indarkeria Ezabatzeko Nazioarteko Eguna dela eta.
10. Galdera eta erreguak.

Herritar guztiak gonbidatuta daude bilkura honetara bertaratzera.