- Lanak Sasoi Eraikuntzak, S.L. enpresak egin ditu, eta 93.775,09 euroko aurrekontua izan dute, gehi BEZa. Esku-hartzearen barruan, espaloiak egokitu, galtzada eta aparkalekuak asfaltatu, ur-hornidurako eta saneamenduko sareak berritu eta berdeguneak egokitu dira. Horrez gain, irisgarritasun unibertsala hobetzeko neurriak hartu dira, oinezkoen joan-etorriak errazteko.
Lazkaoko Udalak amaitu ditu Mikelar 4-5 eraikinen ingurua urbanizatzeko lanak, espazio publikoen irisgarritasuna, segurtasuna eta erabilera-baldintzak hobetzeko helburuarekin. Lanak bukatu ondoren, inguruko azpiegiturak berrituta daude, eta eremua egokituta geratu da bertako bizilagunen eguneroko beharrei hobeto erantzuteko.
Esku-hartzearen esparruan, espaloiak egokitu eta galtzada nahiz aparkalekuak asfaltatu dira, eta ur-hornidurako eta saneamenduko sareak berritu dira. Horrez gain, lorezaintza-lanak ere egin dira, berdeguneak egokitzeko eta eraikinen inguruko espazioak hobetzeko.
Irisgarritasun unibertsala izan da esku-hartzearen beste ardatz nagusietako bat. Galtzadan, berdeguneetan eta espazio publikoetan ezarritako neurriek oinezkoen joan-etorriak erraztea eta eremuaren erabilera erosoagoa, seguruagoa eta inklusiboagoa sustatzea dute helburu, bereziki mugikortasun-zailtasunak dituzten pertsonentzat. Hala, esku-hartzeak herritar guztientzako espazio partekatuen irisgarritasuna hobetzen laguntzen du.
Lanak Sasoi Eraikuntzak, S.L. enpresak egin ditu, 93.775,09 euroko aurrekontuarekin, BEZa aparte.
Urbanizazio-lanak amaitu ostean, Mikelar 4-5 eraikinen inguruak azpiegitura berrituak, berdegune egokituak eta espazio publiko hobetuak ditu. Esku-hartzeari esker, bertako bizilagunek ingurune irisgarriagoa, funtzionalagoa eta seguruagoa dute, egunerokoan erabiltzen dutenen beharretara hobeto egokitua.
