- Lanak urrian abiatu ziren, eta 1.740 metro luze eta 2 metro zabal izango dituen ibilbidea egokituko da, eremuan ibiltzen diren pertsonen segurtasuna hobetzeko.
- Jarduketaren lizitazio-aurrekontua 361.841,44 eurokoa da, BEZa gabe, eta lanak Construcciones M. B. Antio, S. L. L. enpresak gauzatuko ditu. Jarduketak trazadura lurraren ezaugarrietara egokitzea aurreikusten du, ingurunean behar bezala txertatzeko.
Lazkaoko Udalak Lazkaomendiko Oinezkoentzako Pasealekuaren eta Azpiegituren proiektuaren lehen faseko obrak hasi ditu. Joan den urrian abiatu ziren lanak, eta udalerriko eremu horretan oinez ibiltzen diren pertsonentzako ibilbide seguruagoa, erosoagoa eta irisgarriagoa egokituko da.
Proiektuak 1.740 metro luze eta 2 metro zabal izango dituen pasealekua eraikitzea aurreikusten du. Ibilbidea lurzoruaren maldetara eta ezaugarrietara egokituko da, Lazkaomendiko landa-eremuaren eta natura-ingurunearen berezitasunak errespetatuz.
Obrak gauzatzeko, ibilbidean zehar dauden hainbat landa-lursailetan esku hartu beharko da. Lursailak egokitu eta berdintzeko lanak egingo dira, baita obren eraginez kaltetu daitezkeen sarbideak eta itxiturak lehengoratzekoak ere.
Proiektuaren helburua oinezkoentzako ibilbideari jarraitutasuna ematea eta eremuko erabilera desberdinen arteko bizikidetza erraztea da, bide-segurtasunari eta bertatik ibiltzen diren pertsonen beharrei arreta berezia eskainiz.
Jarduketaren lizitazio-aurrekontua 361.841,44 eurokoa da, BEZa gabe, eta lanak Construcciones M. B. Antio, S. L. L. enpresak gauzatuko ditu. Esku-hartze hau Lazkaoko Udalak udal azpiegiturak hobetzeko eta mugikortasun seguruagoa eta irisgarriagoa sustatzeko bultzatutako jarduketen esparruan kokatzen da eta, aldi berean, Lazkaomendiko inguruneaz gozatzeko aukera erraztuko du.
