Intxustitik Lazkaomendiko ur depositora iristen den ura oraindik gehiago garbitzeko filtrazio sistema bat jarri da auzoko depositoan. Orain arte urak osasun baldintza guztiak betetzen bazituen ere, une batzuetan uraren kolorea ez zen egokiena. Filtrazio sistema aldatuta, orain arteko arazoa konpontzea espero da. Deposito honetatik Lazkaomendiko baserrietara ura bideratzen da. Lanen kostua 18.000 euro ingurukoa izan da.