Irekira bikaina izan du Gaztelekuak 24 Urria 2017

Asteburu honetan ireki ditu ateak Gaztelekuak, 12 eta 17 urte bitarteko gaztetxoei zuzenduta. Hasiera bikaina izan du gainera, asko izan baitira larunbat zein igande arratsaldean Gaztelekura gerturatu direnak.

Iparra-Hegoa programako laguntzak zehaztu ditu udalak 24 Urria 2017

Lazkaoko Udalak zehaztu ditu Iparra-Hegoa egitasmoaren barruan urtero ematen dituen laguntzak. Honakoak dira elkarte bakoitzak jasoko dituen laguntzak:

"Etxeko saltsak" antzezlanerako sarrerak salgai daude 24 Urria 2017

Txalo taldeak "Etxeko saltsak" antzezlana aurkeztuko du azaroaren 10ean, ostirala, Lazkaoko Areria aretoan. Emanaldia 22:00etan hasiko da eta sarrerak salgai daude dagoeneko, udaletxean eta Areria aretoan. Sarrera bakoitzak 10 euroko kostua izango du.

Ohiko osoko bilkura asteartean 19 Urria 2017

Lazkaoko Udalak ohiko osoko bilkura egingo du datorren asteartean, urriak 24, 19:00etatik aurrera, udaletxeko areto nagusian. Honakoa da landuko duten gai zerrenda:

Bukatu da udazkeneko merkataritza kanpaina 19 Urria 2017

Lazkaoko Udalak eta LazkaOn elkarteak antolatutako "Udazkenean aisiaz gozatu Lazkaon" kanpainaren barruan laugarren eta azken zozketa egin da. Hiru afari zozkatu dira, eta honakoak dira saridunak:

  • Macario Blazquez de Tomas
  • Marci Pinto
  • Gloria Moreno Prieto
Larunbatean irekiko da Gaztelekua 19 Urria 2017

Larunbatean jarriko da martxan Gaztelekua, 12 eta 17 urte bitarteko gaztetxoei zuzenduta. Gaztelekua kultur etxean dago kokatuta eta larunbat eta igande arratsaldetan egongo da irekita, 16:00etatik 20:00etara. Hezitzaileen laguntzarekin, tailerrak, jolasak, irteerak eta bestelako ekintzak egingo dituzte aurtengo ikasturtean ere.

Ur mozketa gaur 18 Urria 2017

Ur sarean egin behar diren hainbat aldaketa direla-eta, ura moztuko da gaur, osteguna, 14:30etik 19:30era bitartean honako eremuetan:

  • Mikelar 32-34
  • Santa Magdalena 1-2-3
  • San Jose 1, 21-22-23-24-25-26-27-28-30-31
"Seguru baietz" sentsibilizazio kanpaina egingo da ostegun arratsaldean 17 Urria 2017

"Seguru baietz" bide-segurtasunari buruzko sentsibilizazio kanpaina egingo da ostegunean Lazkaon. Kanpaina haurrei zein helduei zuzenduta dago, eta plazan izango da, 17:00etatik aurrera.

Euskarazko eskoletara joateagatik laguntzak emango ditu udalak 17 Urria 2017

Lazkaoko Udalak diru laguntza emango die euskara ikasten ari diren herritarrei. Euskarazko eskoletara joateagatik laguntzak urriaren 31 baino lehen eskatu behar dira, udaletxean, eta beharrezkoa izango da honako baldintzak betetzea:

Sendian programako ikastaroetarako izen ematea irekita dago 17 Urria 2017

Sendian programaren barruan antolatu diren ikastaroetarako izena emateko epea irekita dago. Mendekotasun egoeran dauden pertsonen artean egoera zailei aurre egiteko estrategiak bereganatzea izango da ikastaroen helburua.

Hiribarren kaleko komun publikoak irekita daude 11 Urria 2017

Hiribarren kaleko komun publikoen instalazioa amaituta dago, eta irekita daude jada. Lazkao eta Beasain arteko bidean oinez ibiltzen direnei zerbitzua emateko jarri dira komunak, hainbat herritarrek egindako eskariari erantzunez.

Juan Aroca bakarrizketalaria ostiralean Arerian 11 Urria 2017

Juan Aroca bakarrizketalariak saioa egingo du ostiralean Arerian. Alex Rabanal bakarrizketalari lazkaotarrak egingo ditu aurkezpen lanak, eta saioa 22:00etan hasiko da. Emanaldirako sarrerak udaletxean daude salgai, eta ostiralean bertan Arerian ere eskuratu ahalko dira. Sarrerak 5 euroan daude salgai.

Merkataritza eta ostalaritza kanpainako hirugarren zozketako saridunak 11 Urria 2017

Lazkaoko Udalak eta LazkaOn elkarteak antolatutako "Udazkenean aisiaz gozatu Lazkaon" kanpainaren barruan hirugarren zozketa egin da. Kiroldegirako urte beterako hiru bazkidetza zozkatu dira, eta honakoak dira saridunak:

  • Arantxa Olano
  • Monica Terra da Silva
  • Maitane Fernandez
Lazkaomendirako oinezkoen pasoa irekita dago 11 Urria 2017

Iturgaitzagatik herri erdigunera joango den errepide berria egiteko lanek aurrera jarraitzen dute. Oraindik ere hilabete batzuk beharko dira lanak amaitu arte, baina hainbat gune erabilgarri daude dagoeneko. Horietako bat da Lazkaomendira joateko oinezkoen pasoa. Pasabidea amaituta dago, eta inguruan hainbat urbanizazio lan egitea falta bada ere, pasabidea erabiltzeko moduan dago.

Udal eraikinetako ordutegia zubian 11 Urria 2017

Bihartik igandera bitartean, zubia dela-eta, honako ordutegia izango dute udal zerbitzuek:

UDALETXEA:

  • Osteguna, urriak 12: Itxita
  • Ostirala, urriak 13: 08:00etatik 12:00etara

LIBURUTEGIA: Itxita

KIROLDEGIA:

  • Osteguna, urriak 12: 09:00-13:30
  • Ostirala, urriak 13: 07:00-21:00
  • Larunbata, urriak 14: 09:00-13:30/16:00-20:00
  • Igandea, urriak 15: 09:00-13:00
Zaborraren eta mahaien eta aulkien gaineko zerga 10 Urria 2017

2017ko urtealdiari dagokion Zerga eta Prezio Publikoen Egutegi Fiskalean zehazten denez, zaborraren eta mahaien eta aulkien gaineko zergan 2. seihilekoari dagokion ordainketa egiteko epea urriaren 10etik azaroaren 25era izango da. Helbideratutako erreziboak azaroaren 6an kobratuko dira.  

Mugikortasun Asteko irudien sari banaketa egin dute 06 Urria 2017

Mugikortasun Astearen barruan San Benito Ikastolako ikasleek bide segurtasunari buruz egindako irudiak saritu dituzte. Maila bakoitzeko talde baten lana nabarmendu dute, eta txirrinduan jartzeko linterna bat jaso dute opari. Mugikortasun Astean parte hartu duten ikasle guztiek diploma bat jaso dute, mugikortasuna bultzatzeko egin duten saiakeragatik. 

Ura eta estolderiaren gaineko zerga 05 Urria 2017

2017ko urtealdiari dagokion Zerga eta Prezio Publikoen Egutegi Fiskalean zehazten denez, ura eta estolderiaren gaineko zergan 3. lauhilekoari dagokion ordainketa egiteko epea azaroaren 10ean amaituko da. Helbideratuta dauden erreziboak urriaren 16an kobratuko dira.

Merkataritza eta ostalaritza kanpainako bigarren zozketako saridunak 05 Urria 2017

Lazkaoko Udalak eta LazkaOn elkarteak antolatutako "Udazkenean aisiaz gozatu Lazkaon" kanpainaren barruan bigarren zozketa egin da. Hiru ebokk zozkatu dira, eta honakoak dira saridunak:

  • Edi Fernandez Lopez
  • Jesus Blazquez Tiemblo
  • June Urkola Lazkano

Nagore Izagirre, Ainitze Korta eta Josu Sarriegi LazkaOn elkarteko ordezkariek banatu dituzte sariak.

Asteburu honetan hasiko da zine denboraldia 05 Urria 2017

Asteburu honetan hasiko da zine denboraldia Lazkaon, Areria aretoan. Ohi bezala haurrentzako eta helduentzako saioak eskainiko dira aurten ere. Larunbat eta igande arratsaldetan haurrei zuzendutako film bat ikusi ahalko da, eta larunbat, igande eta astelehenetan helduentzako bat. Ikusleen Eguna astelehenetan izaten jarraituko du, eta zine denboraldia ekainera arte luzatuko da aurten ere.

Udazkena ekintzaz beteta iritsi da Lazkaora 04 Urria 2017

Lazkaoko Udalak banatu berri du herriko etxebizitza guztietara udazkeneko agenda. Kultur, kirol eta gizarte arloko ekintzak biltzen dira bertan, udalak herriko hainbat talde eta eragilerekin elkarlanean antolatu dituenak. Urritik abendura bitartean, ugariak izango dira herrian egingo diren ekintzak. Udal ordezkariek eta herriko hainbat eragilek aurkeztu dute udazkeneko agenda.